İran ordusunun sözçüsü bildirib ki, bu il Ordu günü münasibətilə keçirilən hərbi parad təşkil olunmayacaq və səbəb kimi mövcud atəşkəs şəraitinin faktiki olaraq müharibə vəziyyətindən fərqlənmədiyi göstərilib.

Məhəmməd Əkrəmi-Niya cümə axşamı deyib: “Mövcud atəşkəs bizim üçün müharibə şəraitindən çox da fərqlənmir, buna görə də əvvəlki illərdə olduğu kimi şəhərlərdə parad keçirmək mümkün deyil.”

İran təqviminə görə 18 aprel Ordu günü kimi qeyd olunur və bu parad 1979-cu ildən keçirilir. İran-İraq müharibəsi illərində də Tehran və digər şəhərlərdə təşkil olunmuşdu. Paradın ilk dəfə ləğvi 2020-ci ildə koronavirus pandemiyası səbəbilə baş vermiş, növbəti il isə məhdudiyyətlər səbəbindən məhdud formada keçirilib.

Sözçü əlavə edib ki, bu il parad əvəzinə hərbi hissələrdə mədəni proqramlar təşkil olunacaq, həmçinin ordu rəhbərliyi və şəxsi heyət cümə namazında iştirak edərək xütbələrdən əvvəl çıxış edəcək.