İsrailin baş naziri bildirib ki, bu ölkə Hizbullahın Cənubi Livandan geri çəkilmə tələbi ilə razılaşmayıb və qüvvələri bölgədə qalacaq.

Araz News-un Reuters-ə istinadən verdiyi məlumata görə, Benyamin Netanyahu video müraciətində İsrailin Livanda hərbi mövcudluğunu qorumaq niyyətində olduğunu və Suriya sərhədinə qədər uzanan “geniş təhlükəsizlik zonası” yaratmağı planlaşdırdığını vurğulayıb.

O həmçinin bildirib ki, Donald Tramp ona Hörmüz boğazının blokadasını davam etdirmək və İranın nüvə proqramını dayandırmaqda qərarlı olduğunu deyib.

Bu açıqlamalar Hizbullahın atəşkəsin İsrailə Livan daxilində sərbəst fəaliyyət imkanı verməməli olduğunu vurğuladığı bir vaxtda səsləndirilib.