ABŞ müdafiə naziri bildirib ki, bu ölkənin qüvvələri əmrin verilməsi halında İranın enerji obyektlərinə hücum etməyə hazırdır.

Araz News-un Reuters-ə istinadən verdiyi məlumata görə, Pit Heqset Pentaqonda keçirdiyi mətbuat konfransında ABŞ qüvvələrinin İranın həyati infrastrukturunu hədəfə almağa “tam hazır” olduğunu deyib və vurğulayıb: “Biz sizin kritik infrastrukturunuza, elektrik istehsalına və enerji sənayesinə zərbə endirməyə tam hazırıq.”

O həmçinin İranın dəniz blokadasını “nəzakətli davranış” kimi xarakterizə edib və danışıqlarda irəliləyiş olmadığı halda hərbi variantların tam şəkildə gündəmdə qalacağını bildirib. Eyni zamanda, Donald Tramp da ABŞ şərtlərinin qəbul olunmaması halında İrana qarşı iqtisadi təzyiqlərin artırılacağını açıqlayıb.

Məlumata əsasən, atəşkəs müddətinin sona yaxınlaşması fonunda ABŞ hərbi komandanlığı qüvvələrin “istənilən an” genişmiqyaslı əməliyyatları bərpa etməyə hazır olduğunu bildirib və İran ətrafında onlarla hərbi gəmi və minlərlə hərbçinin iştirakı ilə dəniz blokadası davam edir.