İran müharibəsinin sona çatdırılması üçün aparılan danışıqlarda müəyyən irəliləyiş əldə olunsa da, nüvə proqramı ilə bağlı fikir ayrılıqları səbəbindən yekun razılaşma hələ əldə olunmayıb.

Araz News-un Reuters-ə istinadən verdiyi məlumata görə, xəbər məlumatlı bir mənbə və bir İran rəsmisinin açıqlamalarına əsaslanır.

Reuters bildirir ki, Pakistanın vasitəçiliyi ilə danışıqlarda bəzi düyünlər açılıb, lakin nüvə proqramı ilə bağlı “əsas fikir ayrılıqları” hələ də qalmaqdadır.

Məlumata əsasən, tərəflər nüvə fəaliyyətlərinin dayandırılma müddəti və sanksiyaların aradan qaldırılması mexanizmi ilə bağlı razılığa gələ bilmir; bu məsələ müharibənin başa çatdırılması üzrə yekun razılaşmaya çatmağa əsas maneə olaraq qalır.