ArazNews-un Reuters-ə istinadən verdiyi məlumata görə, gəmiçilik məlumatları ABŞ-ın elan etdiyi mühasirəyə baxmayaraq Çin tankerinin Hörmüz boğazından keçdiyini göstərir.

Məlumata əsasən, “Rich Starry” adlı tanker mühasirənin başlanmasından sonra bu strateji keçiddən çıxmağa nail olan ilk gəmi olub. Bu məlumatlar LSEG, MarineTraffic və Kpler kimi mənbələr tərəfindən təsdiqlənib.

Bu tanker və ona məxsus “Shanghai Xuanrun Shipping” şirkəti daha əvvəl İranla əməkdaşlığa görə ABŞ sanksiyalarına məruz qalıb. Xəbərin yayımlandığı vaxt şirkətdən açıqlama almaq mümkün olmayıb.

Verilənlərə görə, orta tutumlu tanker təxminən 250 min barel metanol daşıyır və son olaraq BƏƏ-nin Əl-Həmriyyə limanında yüklənib. Bildirilib ki, gəminin heyəti də Çin vətəndaşlarından ibarətdir.