ABŞ prezidenti bildirib ki, İran hakimiyyətindəki “uyğun şəxslər” vasitəsilə danışıqların başlanması və razılaşma əldə olunması üçün mesajlar alıb.

ArazNews-un məlumatına görə, Tramp 13 aprel tarixində, İranla bağlı dəniz mühasirəsinin başlanmasından saatlar sonra deyib: “Biz heç bir ölkənin dünyadan bac almasına icazə verə bilmərik; onlar dünyadan pul qoparmağa çalışırlar və biz buna son qoyacağıq.”

O vurğulayıb ki, İran heç vaxt nüvə silahına sahib olmayacaq və əlavə edib: “Ya razılaşacaqlar, ya da biz özümüz addım atacağıq.”

Tramp həmçinin Hörmüz boğazına toxunaraq bildirib ki, ABŞ bu marşruta ehtiyac duymur və digər ölkələrin köməyi olmadan da hərəkət edə bilər. O xəbərdarlıq edib ki, atəşkəs bitənə qədər razılaşma əldə olunmasa, İran üçün vəziyyət “xoş olmayacaq”. Eyni zamanda o iddia edib ki, bir gün ərzində 34 gəmi Hörmüz boğazından keçib ki, bu da gərginlik başlayandan bəri ən yüksək göstəricidir.