Məlumatlı mənbələr İran və ABŞ arasında gərginliyi və toqquşmaları dayandırmaq üçün yeni bir planın təqdim edildiyini bildirir. Bu plan Pakistan vasitəçiləri tərəfindən hazırlanıb və “İslamabad razılaşması” adlandırılıb.

Araz News-un məlumatına görə, Reuters-ə istinadən bildirilir ki, təklif dərhal atəşkəsin elan olunmasını və Hörmüz boğazının yenidən açılmasını nəzərdə tutur. Həmçinin, daha geniş razılaşmaya nail olmaq üçün 15–20 günlük zaman çərçivəsi müəyyən edilib.

Eyni zamanda qeyd olunur ki, Pakistan ordusunun komandanı feldmarşal Asim Munir son saatlarda JD Vance, Steve Witkoff və İranın xarici işlər naziri Abbas Əraqçi də daxil olmaqla yüksək səviyyəli rəsmilərlə fasiləsiz təmasda olub və bu diplomatik təşəbbüsün irəliləməsinə çalışıb.

Bununla belə, indiyədək tərəflərdən heç biri bu təkliflə bağlı rəsmi mövqe açıqlamayıb.