ArazNews-in Times of Israel-ə istinadən verdiyi məlumata görə, bölgə mənbələri bildirir ki, bəzi Körfəz ölkələri son hücumlardan sonra İranın hərbi gücü ciddi şəkildə zəiflədilmədən atəşkəsə razı deyil.

Məlumata görə, əvvəldə müharibənin başlanmasına qarşı çıxan bəzi ölkələrin rəsmiləri indi İranın hərbi imkanları əhəmiyyətli dərəcədə zəiflədilənə qədər hücumların davam etməsini istəyir.

Hesabatda qeyd olunur ki, BƏƏ, Səudiyyə Ərəbistanı, Bəhreyn və Qətər İranın hücumlarından sonra belə qənaətə gəliblər ki, Tehran zəiflədilmədən müharibənin bitməsi regionun təhlükəsizliyi üçün “riskli” ola bilər.

Eyni zamanda bəzi mənbələr bu ölkələrin müəyyən dərəcədə hərbi əməliyyatlarda iştirak ehtimalını istisna etmir, lakin Körfəz Əməkdaşlıq Şurası daxilində fikir ayrılığı qalır və Oman hələ də münaqişənin tezliklə başa çatdırılmasını müdafiə edir.

Hesabat həmçinin göstərir ki, İranın enerji infrastrukturlarına və regional hədəflərə qarşı cavab hücumları Körfəz ölkələrində iqtisadi təhlükəsizliklə bağlı narahatlıqları artırıb və bu, onların mövqeyinin dəyişməsində rol oynayıb.