İsrailli yüksək vəzifəli bir rəsmi bildirib ki, bu ölkənin kəşfiyyat qiymətləndirməsinə görə İranın yeni rəhbəri son hücumlarda yaralanıb.

ArazNews-un Reuters-ə istinadən verdiyi xəbərə görə, israilli yüksək vəzifəli bir rəsmi deyib ki, İsrail kəşfiyyat qurumlarının qiymətləndirməsinə əsasən İranın yeni rəhbəri Müctəba Xamenei ABŞ və İsrailin İrana qarşı birgə hücumları zamanı yüngül şəkildə yaralanıb.

Həmin rəsmi bildirib ki, Müctəba Xameneinin İran İslam Respublikasının rəhbəri seçildiyi elan edildikdən sonra ictimaiyyət qarşısında görünməməsinin səbəblərindən biri də bu ola bilər.

Eyni zamanda bəzi iranlı mənbələr də Reuters-ə bildiriblər ki, Müctəba Xameneinin seçilməsi Sepahın dəstəyi ilə baş verib və bu vəziyyət ölkə daxilində və xaricdə daha sərt siyasətlərin qəbul edilməsinə gətirib çıxara bilər.

Bundan əvvəl İsrailin müdafiə naziri də bildirmişdi ki, İranın mövcud hakimiyyət strukturu tərəfindən rəhbər seçilən hər bir şəxs “müəyyən bir hədəf”ə çevrilə bilər.