ABŞ Prezidenti Donald Tramp yaydığı mesajda bildirib ki, İranla hər hansı razılaşma yalnız “tam və qeyd-şərtsiz təslimiyyət” halında mümkün ola bilər. O vurğulayıb ki, belə bir təslimiyyətdən və “uyğun və qəbul edilə bilən liderlərin” seçilməsindən sonra ABŞ və müttəfiqləri İranın yenidən qurulmasına kömək edə bilər.

Tramp əlavə edib ki, məqsəd İranın iqtisadi baxımdan əvvəlkindən daha böyük, daha yaxşı və daha güclü bir ölkəyə çevrilməsidir. O, “Make Iran Great Again” (MIGA) şüarına da istinad edərək bildirib ki, İranın böyük gələcəyi ola bilər, lakin bu yalnız mövcud hakimiyyətin sona çatmasından və yeni rəhbərliyin formalaşmasından sonra mümkün olacaq.