Rusiya prezidentinin köməkçisi İran, Rusiya və Çin gəmilərinin Hörmüz boğazında “Təhlükəsizlik Kəməri 2026” dəniz təliminə göndərildiyini açıqladı.

Araz News-un Mehr agentliyinə istinadən verdiyi məlumata görə, Nikolay Patruşev bildirib ki, üç ölkə bu təlimdə iştirak üçün hərbi gəmilər və dəniz avadanlıqlarını regiona göndərib. Bu təlimlər 2019-cu ildən keçirilir və təşkilatçıların sözlərinə görə, dəniz ticarətinin təhlükəsizliyini gücləndirmək, dəniz quldurluğu və dəniz terrorizmi ilə mübarizə, həmçinin xilasetmə əməliyyatlarının icrası məqsədi daşıyır.

Hörmüz boğazı dünyanın ən mühüm enerji keçidlərindən biri hesab olunur və regionda gərginliyin artdığı şəraitdə bu cür təlimlərin keçirilməsi beynəlxalq diqqəti cəlb edir.