۲۰ ایل اؤنجه، آزربایجان میلّی حرکاتینین اؤنملی بیر دؤنمینده، «آزربایجان میلّی دیرنیش تشکیلاتی» (AMDT) اؤز وارلیغینی اعلان ائدهرک، میلّی حاقلاریمیزین اوغروندا موباریزه مئیدانینا قدم قویدو. بوگون دیرنیش تشکیلاتینین ۲۰ یاشی تامام اولور؛ ۲۰ ایللیک بیر یول کی، سیخینتیلار، چتینلیکلر و عئینی حالدا سارسیلماز بیر ایراده ایله دولودور.
بو ۲۰ ایل عرضینده، آزربایجان میلّی دیرنیش تشکیلاتی اؤز سیاسی باخیشلاری و کادرلاشدیرما پرینسیپلری ایله حرکتین اؤن سیرالاریندا دایاناراق، گنج نسله میلّی شعورون آشیلانماسیندا و تورک دیلی ایله کیملیگینین قورونماسیندا بؤیوک رول اوینامیشدیر.
۲۰ ایللیک تجروبه، بوگون آزربایجان میلّی دیرنیش تشکیلاتینی داها کؤکلو و سیاسی باخیمدان داها یئتگین بیر مؤوقعه گتیریب چیخارمیشدیر. بو موناسیبتله، آزربایجانین آزادلیغی، عدالت و اینسان حاقلاری یولوندا چالیشان بوتون فعاللارا و بو یولون یولچولارینا اوغورلار دیلهییریک.
