ABŞ-ın kəşfiyyat qurumlarının yeni qiymətləndirmələri göstərir ki, İran rejimi bu ölkə ilə altı aylıq müharibədən sonra daha çox özünəinamla hərəkət edir. "New York Times" bu qiymətləndirmələr barədə məlumat yayıb.
Məlumata görə, Tehran hesab edir ki, ABŞ-ın hərbi gücünün məhdudiyyətlərini artıq öyrənib, müharibəni davam etdirmək üçün kifayət qədər raket və pilotsuz uçuş aparatına (dron) malikdir, həmçinin Hörmüz boğazını pozmaqla təzyiq vasitəsi əldə edib.
Bu qiymətləndirmələrin əsas nəticəsi ondan ibarətdir ki, İran rejimi danışıqlar üçün ciddi səbəb görmür. Tehran, yüksək enerji qiymətlərinin, itkilərin və müharibənin xoşagəlməz təsirlərinin Trampın siyasi mövqeyini zəiflədəcəyi ümidi ilə, müharibəni ABŞ-da aralıq seçkilərinə qədər uzatmağa cəhd edə bilər.
