İsrailin Ynet saytı təhlilində yazıb ki, İslam Respublikası ən mürəkkəb böhranlarından biri ilə üzləşib və rialın dəyərinin çökməsi, müharibə xərcləri, ABŞ-ın təzyiqi və daxili narazılığın artması hökumətin legitimlik təməllərini zəiflədib.
Ynetin yazdığına görə, rialın hər dollar qarşısında 200 milyon riala qədər ucuzlaşması və güclü inflyasiya güzəranla bağlı təzyiqi artırıb və cəmiyyətin bir hissəsi ilə hökumət arasında iqtisadi sabitlik müqabilində «etimad müqaviləsi» adlandırılan razılaşma aradan qalxmaqdadır. Media bu vəziyyətin yeni etiraz dalğasına səbəb ola biləcəyini ehtimal edib.
Təhlildə Xameneyinin öldürülməsi və İslam Respublikasının onun qisasını ala bilməməsi kimi qiymətləndirilən hal hökumət tərəfdarlarının bir hissəsi arasında narazılığın artmasının səbəbləri sırasında göstərilib. Ynetin yazdığına görə, danışıqları irəli aparmaq üçün göstərilən cəhd də bəzi radikal tərəfdarlar arasında hökumətin zəiflik hissini gücləndirib.
Ynet həmçinin məcburi hicabın tətbiqinin sərtləşdirilməsini narazılığın yayılmasının bir amili kimi qeyd edib və yazıb ki, iqtisadi, siyasi və sosial təzyiqlər hökumət əleyhdarlarından tutmuş İslam Respublikasının ənənəvi bazasının bir hissəsinə qədər uçurumları genişləndirib və legitimlik böhranını daha da dərinləşdirib.
