Binyamin Netanyahunun Ağ Evə qayıdışından bəri Donald Trampla səkkizinci görüşü ərəfəsində reportajlar İsrail baş nazirinin ABŞ prezidenti üzərindəki nüfuzunun əhəmiyyətli dərəcədə azaldığından xəbər verir.
Axios bildirib ki, Tramp və Netanyahu İrana qarşı müharibənin başlanğıcında yaxın mövqelərə malik idilər, lakin son beş ay ərzində iki tərəf arasında ixtilaflar və qarşılıqlı etimadsızlıq artıb. Məqalədə qeyd edilib ki, Netanyahu hətta Trampın ABŞ-ın İrana hücumlarını dayandırmaq və Tehranla diplomatik səyləri bərpa etmək barədə son qərarından xəbərsiz qalmışdı; bu məsələ İsrail rəsmilərini təəccübləndirdi.
Tramp danışıqların uğursuzluğa uğraması halında İrana yenidən hücum ehtimalını istisna etməyib, lakin Netanyahu son həftələrdə onu bir neçə mühüm qərardan — o cümlədən Türkiyəyə F-35 qırıcılarının satışından və Səudiyyə Ərəbistanı ilə nüvə sazişindən — döndərməyi bacarmayıb.
Bundan əlavə, iki tərəs arasındakı telefon danışıqlarının sayı azalıb və bəzi ABŞ rəsmiləri Netanyahunun İran müharibəsinin gedişatına dair dəfələrlə səhv qiymətləndirmələr verdiyini hesab edir. İsrail seçkilərinə cəmi üç ay qalan bir vaxtda Netanyahu Trampla görüşdə siyasi dəstək almağa ümid edir, lakin ABŞ prezidenti indiyə qədər onun xeyrinə dəstəyini açıqlamaqdan çəkinib.
