ABŞ prezidenti Donald Tramp Axios xəbər agentliyinə verdiyi müsahibədə İrana qarşı geniş miqyaslı hərbi əməliyyatın bərpasını ciddi şəkildə nəzərdən keçirdiyini bildirib. O əlavə edib ki, İrana qarşı indiyədək görülən hər hansı bir əməliyyatdan daha böyük hücumun ehtimalını ölçüb-biçir və yaxın zamanda qərar verəcək.
Tramp İsrailin rolu barədə deyib ki, istəsə, İsrail iki dəqiqə ərzində bu əməliyyata qoşulacaq, lakin vurğulayıb ki, ABŞ İrana qarşı yeni əməliyyat başlatmaq üçün heç bir ölkəyə ehtiyac duymur. O, həmçinin İranın reaksiyasına toxunaraq bildirib ki, İsrailin bu hücumlara qoşulmasının «nəticələri» olacaq.
