İsrailin baş naziri Benjamin Netanyahu bildirib ki, İsrail İranda hələ də müəyyən hədəflərə sahibdir və son müharibəni bitmiş hesab etmir.

ArazNews-un məlumatına görə, Netanyahu CBS telekanalının “60 Minutes” proqramına müsahibəsində deyib ki, İran rejimi ilə bağlı hələ “çox iş qalıb” və Donald Trumpın da İranın zənginləşdirilmiş uran ehtiyatlarının məhv edilməsinin vacibliyi ilə razılaşdığını bildirib.

Netanyahu iddia edib ki, son müharibə İsrail üçün “böyük nəticələr” doğurub, lakin İran rejiminin nüvə obyektləri, raket proqramı və bölgədəki proksi qüvvələri tam şəkildə sıradan çıxarılmayıb.

O deyib:“Biz bu imkanların böyük hissəsini zəiflətdik. Amma hələ görülməli işlər var.”