ArazNews-un məlumatına görə, Jerusalem Post-a istinadən, Mossad İran vətəndaşlarından nüvə sənayesi ilə bağlı məlumatlara çıxışı olanların bu qurumla əlaqə saxlamasını istəyib.

Mossadın yaydığı mesajda deyilir: «Əgər nüvə sənayesi ilə bağlı məlumatınız varsa, bizimlə əlaqə saxlayın» və həmçinin «gələcəyinizin təmin olunacağı» vəd edilib.

Bu çağırış İranın nüvə obyektlərinə, o cümlədən Natanz kompleksinə hücumlarla bağlı xəbərlərin yayıldığı bir vaxtda edilib; hərçənd İsrail ordusu bu obyektlərə hücum barədə məlumatı olmadığını bildirib.

Məlumata görə, İranın nüvə imkanlarının zəiflədilməsi ABŞ və İsrailin mövcud müharibədə əsas məqsədlərindən biri kimi göstərilir.

Həmçinin bildirilir ki, Mossad münaqişənin əvvəlindən xüsusi kanal yaradaraq vətəndaşlardan şəkil və məlumatların göndərilməsini istəyib və bəzi məlumatların əməliyyatlarda istifadə olunduğu iddia edilir.