Suriya prezidenti Əhməd Şərə Azərbaycan prezidenti İlham Əliyevlə telefon danışığı apararaq regionda baş verən son hadisələr və hərbi gərginlik barədə fikir mübadiləsi aparıb.

Yayılan açıqlamaya görə, tərəflər regional təhlükəsizlik vəziyyətini, hərbi gərginliyin artmasını və bunun regionun sabitliyinə təsirlərini müzakirə ediblər. Hər iki lider gərginliyin azaldılmasının və münaqişələrin dialoq və diplomatik yollarla həllinin vacibliyini vurğulayıb.

Danışıq zamanı Suriya ilə Azərbaycan arasında ikitərəfli münasibətlərin gücləndirilməsi və müxtəlif sahələrdə əməkdaşlığın inkişaf etdirilməsi məsələləri də müzakirə olunub.

Tərəflər həmçinin ortaq maraq doğuran məsələlər üzrə əlaqə və koordinasiyanın davam etdirilməsi barədə razılığa gəlib.