حتی سعیدین دادگاهیندان نئچه آی سورا حکمون ابلاغی اوچون دادگاها چاغیریلدیق. حکم شاید ایییرمی-اوتوز صفحه نی کئچیردی، اوخوماغا باشلادیم. بیر ایکی صفحه سینی اوخودوم، حکم طبس جنگیندن باشلانمیشدی و اوکرایننا قدر داوام ائدیب، یوگوسلاوی دن باش چیخاریردی، گولدوم دئدیم آقای قاضی طبس حمله سینین منیم پرونده مین ایچینده نه ایشی وار او زامان منیم ۸ و سعیدین ۵ یاشی واریدی بو ندیر!؟
سعید متین پور ایله بیرلیکده سعیدین ۸ ایل زیندانا محکوم اولدوغو دادگاهدا من و ۱۰ آیری دوستومدا بیرلیکده ایدیک. دادخواه آدلی وکیل ایله بیر گون اونجه دانیشمیشدیم، (سعید و زنجانلی دوستلار اونون وکالتین قبول ائتمیشدیلر) من ایسه ایکی اورکلی ایدیم، وکیل ایله دانیشدیغیمدا هئی سیز(آزری)لر دئییب-دوروردو منده بیزی تورک دئیه خطاب ائدین، دئیه اونونلا بحثه گیرمیشدیم، و بوتون گئجه، منیم تورکلویومو قبول ایئله یه بیلمه ین بیر وکیل منیم حاقلاریمی نجور مدافعه ائدر دئیه دوشونموشدوم. صبح انقلاب دادگاها گیردیغیمده دادخواه اؤنومه گلدی، فارسجا آقای عباسی گل وکالت نامه نی ایمضالا دئدی، ساغ اولون من وکیل ایسته میرم دئیه جواب وئره رک وکالتین قبول ائله مه دیم. کیمین ایلک چاغریلدیغینی دقیق خاطیرلامیرام. ساده جه سعید ایله وکلیی گیردیلر و من تک چاغیریلدیم و باشقا دوستلاردا وکیللریله ایچرییه چاغریلدیلار. دادگاه علنی اولمادیغی اوچون کیمدن نه سوروشولدوغونو بیلمه دیک. اما کل دادگاه بیر ساعات بیله چکمه دی، مندن سوروشولان تکراری بیر سوال واریدی کی، بازجوییلرده اون دفعه یه یاخین سورشولموشدولار. قاضی: سوال یادیندادیر یا وئریم بازجوییلرین اوزوندن یازاسان دئیدی، منده بو سواللار او قدر سوروشولوب کی هامیسینی ازبرم دییه جواب وئردیم. بوتون دوستلاردان سوروشدوم، هامینین دادگاهی منیم دادگاهیم کیمی کئچمیشدی.

حتی سعیدین دادگاهیندان نئچه آی سونرا حکمون ابلاغی اوچون

دادگاها چاغیریلدیق. حکم شاید ایییرمی-اوتوز صفحه نی کئچیردی، اوخوماغا باشلادیم. بیر ایکی صفحه سینی اوخودوم، حؤکم طبس جنگیندن باشلانمیشدی و اوکراینا قدر داوام ایدیب، یوگوسلاویدن باش چیخاریردی، گولدوم دئدیم آقای قاضی طبس حمله سینین منیم پرونده مین ایچینده نه ایشی وار، او زامان منیم ۸ و سعیدین ۵ یاشی واریدی بو ندیر!؟ جواب وئردی: لازیم دئییل اوخویاسان. دئدیم اوخومادیغیم بیر متنی نجور امضالاییم. دیدی: ایسته میرسن امضالاما. بئله لیکله حؤکمی گؤردوم منه و باشقا دوستلاریمیزا هره یه بیر ایل هامیسی تعلیقی و سعید متین پورا ۸ ایل تعزیزی زیندان وئرمیشدیلر. بو قدر ساده و بو قدر راحات بیز انفرادیلرده قالیب زندان لاردا یاتیریق، سونرا اَن بؤیوک ایسته ییمیز اولور، دیلیمیزین ادبیاتینین درس وئریلمه سی البته اوستون دیل و اوستون نژادین دیلینین کناریندا. (یعنی ۱۵-نجی اصلین ایجراسی)البته ۱۵-نجی اصلین یوزده-دوخسان بئشی ایجرا اولونور. بیزده اونون قالان یوزده-بئشینین ایجراسی اوچون بو قدر بلا چکیریک.

و فلکولوروموز بئله دَییشیر:

پیچاق

الیمی پیچاق کسیر

دسته پیچاق کسیر

سئوگیلیم زینداندا اسیر

یاغ گتیرین یاغلییاق

دَستمال گتیرین آغلییاق

دَستمالی من نئینرم

گؤز یاشیمی سیلمَرم

دونیا گرک کی بیلسین

اؤلسم ده من دؤنمرم

قايناق: سايت سعيد متين پور