آزربایجان میللی دیرنیش تشکیلاتی نین باش ساغلیغی ساوی
آلدیغیمیز بیلگی لره گؤره عراق تورکمنلرینین لیدئرلرین‌دن اولان وکیل و قزئت‌چی سادون کؤپرولو ایولون ۲۱-ده آنکارادا اورک توتماسین‌دان وفات ائدیب. تورکمنلرین ان اؤن‌ملی لیدئرلرین‌دن اولان ۵۷ یاش‌لی سادون کؤپرولو موباریزه حیاتینین ۱۷ ایلینی حبس ده کئچیریب. عراق تورکمنلرینین میللی حقوقلاری اوغرون‌دا موجادیله آپاردیغینا گؤره صدام حسین دؤنه‌مین‌ده حبس اولونوب.
سون ایللر آنکارادا یاشایان سادون کؤپرولو تورکمه‌ن ائلینین پروبلئملرینی گوند‌مده ساخلاماق اوچون جدی فعالیت گؤستریب. اسارت‌ده اولان تورک توپلولوقلارینین حاقلارینی حقوق مسوییه سینده گون‌ده‌مه داشییان کؤپرولونون گونئی آذربایجان فعاللاری ایله ده سیخ موناسیبتلری اولوب. سادون کؤپولو اسکی عراق تورکمن جبهه سینین تورکیه تمثیلجیسی ایدی.
آزربایجان میللی دیرنیش تشکیلاتی اولاراق بو ده یرلی داعوا آدامینین دونیاسینین دئییشمه سینی عراق تورکمنلرینه و تورک دونیاسینا باش ساغلیغی دئییریک.
آزربایجان میللی دیرنیش تشکیلاتی مئديا و خالق ایلیشگیلری سوروملوسو
بابک چلبیانلی
