ايراق توركمن ليدرى آنكارادا وفات ائديب
![ايراق توركمن ليدرى آنكارادا وفات ائديب ايراق توركمن ليدرى آنكارادا وفات ائديب](https://www.araznews.org/fa/wp-content/uploads/2014/07/image61.jpg)
ايراق تورکمنلرينين ليدئرلريندن اولان وکيل، عئيني زاماندا قزئتچي سادون کؤپرولو اييولون 21-ده آنکارادا اورک توتماسيندان وفات ائديب. تورکمنلرين ان اؤنملي ليدئرلريندن اولان 57 ياشلي سادون کؤپرولو موباريزه حياتينين 17 ايليني مهبسده کئچيريب. ايراق تورکمنلرينين ميللي حوقوقلاري اوغروندا موجاديله آپارديغينا گؤره سددام هوسئين دؤنمينده حبس اولونوب.
اولوسلاراراسي گونئي آذربايجان تورکلري کونسئيينين مئديا تمثيلچيسي، سادون کؤپرولونون ياخين دوستو زاور بايراملينين “يئني موساوات”آ وئرديگي آچيقلامايا گؤر، سادون کؤپرولونون سههتي ايراق تورکمنلرينين قطعلياما معروض قالديغي سون ايللرده کسکين پيسلشيب:”سادون بي تورکمنلرين دردي ايله يانان بير اينسان ايدي. منسوب اولدوغو ميلتين ياشام موجاديلهسي وئرمهسي، اينسانلارين اؤز يوردوندان دربهدهر دوشمهسي، ميللي و ديني کيمليگينه گؤره قطعله يئتيريلمهسي اونو ايچدن آغريديردي. تورک دونياسينين تورکمنلره صاحيب چيخماماسي، تورکمنلرين هاراييني ائشيتمهمهسي ايسه اونون اوچون بؤيوک درد ايدي. هئييف، تورکمن ائلي، تورک دونياسي ديرلي بير آيدينيني دا ايتيردي. آللاه رحمت ائلسين، نور ايچينده ياتسين”.
سادون کؤپرولو اييولون 23-ده آنکارادا دفن ائديلهجک.
مساوات