سلاحا ساریلان تورکمن گوج‌لرینه چاتیشما‌لار سیراسیندا چوخ ساییدا تورکمن قادینی دا دستک وئردی
عراق‌داکی قاریشیقلیق‌دان ان چوخ ائتکیلنن تورکمن‌لر.
اؤلکه‌نین قوزئیینده‌کی ایشید ایله پئشمرگه‌نین آراسیندا قالان تورکمن‌لر، یاشانان‌لاری اؤزلرینه قارشی اویونون بیر بؤلومو کیمی تانیملاییرلار. ایراق تورکمن جبهه‌سی باشقانی ارشاد صالحی، اؤلکه‌ده یاشانان‌لارین تورکمن‌لر اوزرینه اوینانان اویونون بیر پارچاسی اولدوغونو دوشونور.
صالحی، “بو سوءقصدلرین آماجی تورکمن‌لری تورپاغین‌دان چیخارماق‌دیر. بونو دا سلاح‌لی قروپ‌لاری قورخودوجو گؤستره‌رک تورکمنلرین تورپاق‌لارینی ترک ائتمه‌لرینی ساغلامایا چالیشیرلار. کؤچ‌لر آسیمیلیاسیون سیاستی‌نین بیر پارچا‌سی‌دیر. بو دا مرحله مرحله عراق تورکمن‌لری‌نین اوزرینه اویقولانیر” دئدی.
موصولون عراق شام ایسلام دؤولتی هؤرگوتونون الینه گئچمه‌سی و عراق اوردوسونون بوراخدیغی بوشلوغو دا پئشمرگه‌نین دولدورماسی تورکمنلرین ایکی آتیش آراسیندا قالماسینا سبب اولور. قروپ‌لار آراسیندا سورن حاکمیت چاتیشما‌لاریندا ایندییه قدر یوزلرجه تورکمن حیاتینی ایتیردی.
عراق تورکمن جبهه‌سی باشقانی ارشاد صالحی “یا رادیکال قروپ‌لارین و یا کوردلرین بویوندوروغونا گیرجکسینیز” اولدو بیتدی‌سینی اصلا قبول ائتمه‌یه‌جک‌لرینی سؤیله‌دی.
صالحی، “تورکمن بؤلگه‌لری بیر گون ایشیدین کنترولونا گئچیر، بیر گون پئشمرگه‌نین. تلعفر بو آندا سلاح‌لی گوج‌لرین کنترلونا گئچدی. طوزخورماتو، پئشمرگه‌نین کنترولونا گئچدی. اما قارشی‌سیندا اولان تورک اووا‌لاری و بؤلگه‌اری سلاح‌لی قروپ‌لارین کنترولونا گئچدی. یعنی باخدیغیمیزدا تورکمن‌لری ایکیه بؤلورلر” دئدی.
بو آرادا تلعفرده‌کی چاتیشما‌لاردا جسارت‌لری ایله اونلنن تورکمن‌لر، ایشید ترورچولارینا آغیر ضربه ائندیردی. چاتیشما‌لاردا چوخ ساییدا ایشید میلیتانی اؤلدورولدو. تلعفره تشکیل ائدیلن سالدیری اؤنجه‌سینده شهرلرینی ساوونماق اوچون سلاحا ساریلان تورکمن گوج‌لرینه چاتیشما‌لار سیراسیندا چوخ ساییدا تورکمن قادینی دا دستک وئردی.
آخرین عناوین
