ارمني لر قاراباغدان چكيلسينلر
توپلانتییا دامغاسینی ووران قونو قاراباغ پروبلمی اولدو
ناتو پارلامنترلر آسامبله‌سی، آذربایجاندا “گونئی قافقازدا چتین‌لیک‌لر و فرصت‌لر” قونولو سمینار تشکیل ائدیلدی.
سمینار چرچیوه‌سینده توپلانتی‌لارا؛ آذربایجان میلی مجلیسی باشقانی اوختای اسدوو، ناتو پارلامنترلر آسامبله‌سی باشقانی هوگ بایلی، اولوسلارآراسی سیویل توپلوم هؤرگوت عضو‌لری و ناتویا اورتاق اؤلکه‌لرین نماینده‌لری قاتیلدی. بو نماینده‌لر ایچینده ارمنیستان‌دان یئتکی‌لی‌لر ده واردی.
“قاراباغ سورونونون چؤزوم پروسه‌سی”، “قیریم بحرانی و گونئی قافقاز اوچون نتیجه‌لری”، “انرژی گوونلیگی”، “ایران و بؤلگه‌سل گوونلیک” قونولاری مذاکیره ائدیلدی. آنجاق توپلانتییا دامغاسینی ووران قونو قاراباغ پروبلمی اولدو. قونویلا ایلگیلی چیخیش ائدن ناتو پارلامنترلر آسامبله‌سی باشقانی هوگ بایلی، قاراباغ پروبلمینین ساواش یولو ایله چؤزولممه‌یه‌جگینی ایفاده ائتدی، قاراباغ سورونونون بؤلگه ثابت‌لیگینی تهدید ائتدیگینی وورغو ائتدی. باشقا چیخیش‌لاردا دا ارمنی‌لرین ایشغالچی توتومو تنقید اولوندو. بیرلشمیش میلتلر امنیت شوراسی‌نین آلدیغی دؤرد قرار خاطیرلادیلا‌راق، ارمنی‌لرین ایشغال ائتدیک‌لری قاراباغ تورپاقلاریندان ان قیسا زاماندا چئکیلمه‌سی لازیم اولدوغو وورغولاندی.
بونون اوزرینه ارمنی یئتکی‌لی‌لر سمینارلاری بالتالاماق ایسته‌دی. ارمنیستان نماینده هیاتی باشقانی کوریون ناهاپتیان، قاراباغ پروبلمینده تک سوروملو طرفین ارمنیستان اولا‌راق گؤستریلمه‌سی‌نین یانلیش اولدوغونو سؤیله‌دی. ارمنی نماینده‌لر آذربایجان طرفینه، مینسک قروپونون لغو ائدیلمه‌سی تکلیفینده بولوندو.
مینسک قروپو، آوروپا گوونلیک و امکداش‌لیغی تشکیلاتی طرفین‌دن قاراباغ پروبلمینی حل ائتمک اوچون قورولدو. آنجاق ییرمی ایلدن چوخ بیر زامان‌دیر هله سومود بیر آددیم آتابیلمه‌دی.
سمینار، یارین سونا چاتا‌جاق.
ت ر ت توركى
