تورک اؤلکه‌لرین امکداش‌لیق شوراسی‌نین ۳.جو ذیروه‌سی باکیدا
تورکیه، آزربایجان، قازاقیستان و قیرقیزیستانین قوروجو عضوو اولدوغو تورک اؤلکه‌لرین امکداش‌لیق شوراسی‌نین ۳.جو ذیروه‌سینه، آزربایجان پرزیدنتی ایلهام علی‌یئو ائو صاحب‌لیگی ائده‌جک. قبه‌له‌ده گئچیریله‌جک ذیروه‌نین تماسی “نقلیات ساحه‌سینده امکداش‌لیق”.
تورکیه جمهورباشقانی گول، ۳ گونلوک آزربایجان سفرینده قونومداشلارییلا گؤروشه‌جک.
ایکی‌لی ایلیشکی‌لرین یانیندا قارداش تورک دؤولت‌لری ایله چوخ طرف‌لی امکداشلیغا امکان تامین ائدیلمه‌سی مقصدیله ۱۹۹۲.جی ایلده باشلادیلان تورک اؤلکه‌لری دؤولت باشقان‌لاری‌نین ذیروه‌لر پروسسی، ۲۰۰۹دا ایمضا‌لانان ناخجیوان آنلاشماسی ایله ایره‌لییه داشیندی.
۲۰۱۰دا قورولان تورک کنه‌شی ایله ده پروسسین بؤلگه‌سل بیر امکداش‌لیق تشکیلاتی کیملیگی قازانماسینا ایمکان تامین ائدیلدی. کاتیب‌لیگی ایستانبولدا اولان و باش کاتیبی تورکیه وطنداشی اولان تورک شوراسی، بو دؤرد قارداش اؤلکه تورکیه، آذربایجان، قازاقیستان و قیرقیزیستانین چوخ طرف‌لی امکداشلیغین گلیشدیریلمه‌سینه خیدمت ائدیر.
