آنکارا اونیوئرسیتئتینده تحصیل آلان گونئیلی فعال و موعاصیر تاریخ تدقیقاتچیسی بابک شاهید آمئریکانین سسینه موصاحیبه‌ده جومهوریتدن سونراکی دؤنملرده تورکییه مئدیاسیندا گونئی آذربایجان و عومومیتله ایران تورکلری مسلسینی گوندمه گتیرن ژورنالیستلر و عالیملر هاقدا دانیشیب. 
بابک شاهید تورکییه مئدیاسیندا گونئی مؤوزوسو هاقدا دانیشیر 
 سس فایلی
بابک شاهید جومهوریتین ایلک اونیللرینده “لیبئرال تورکچولر” کیمی تانینان یازارلار و ژورنالیستلرین تورکییه مئدیاسیندا گونئی حاقیندا یایدیقلاری یازیلار، همچنین ۱۹۴۵-۴۶ ایللرینده قورولموش آذربایجان میللی حؤکومتی و ایران ایسلام اینقیلابیندان سونرا گونئیده یوکسک نوفوز صاحیبی اولموش موسلمان خالق حرکاتی ایله باغلی یازیلان خبرلر و مقاله‌لره دیقت چکیر.
گئرچکدن بیزلر بورادا خبرلری بیزیم مسله‌لری عکس ائتمک ایسته‌ین مئدیایا چاتدیرماق اوچون چابا گؤسترمیشیک می؟ 
بابک شاهید 
آراشدیرماچینین دئدیکلرینه گؤر، جومهوریتین ایلک اونیللیگینده گونئی و ایران تورکلری ایله باغلی خوصوصیله لیبئرال تورکچولر طرفیندن یازیلمیش بیر چوخ مقاله تورکییه قزئتلرینده یاییلیب. آنجاق ۱۹۳۰-جو ایللرده تورکچولوک فعالیتلری مهدودلاشدیریلینجا بو نؤو یازیلار داها چوخ اونیوئرسیتئتلر و آکادئمیک درگیلرده یاییلا بیلیب. 

شاهید بو سیرادا تورکییه مئدیاسی و آکادئمیک درگیلرده ایران تورکلری حاقیندا یازمیش یازارلاردان روشئنی بئی، میرزه بالا محمدزاد، نیزاعمددین تبریزلی، سنان آذر (مهممد سادیق آران)، احمد جفروغلو، ذکی ولیدی توغان، نیهال آتسیز و حبیب ساهیر کیمی آراشدیرمیچالار و عالیملرین آدلارینی چکیر. 

“۱۹۴۵ ایلینده آکشام قزئتینده گونئی آذربایجان و آذربایجان دئموکرات فیرقه‌سی ایله ایلگیلی خبرلر و راپورلار یاییلیب. آیتوللاه شرعیتمداری ایله علاقه لی اولایلار دا تورکییه‌نین میللییت قزئتینده عکس ائدیلیب،” دئیه خویلو فعال سؤیله‌ییر. 
جومهوریتین ایلک اونیللیگینده گونئی و ایران تورکلری ایله باغلی خوصوصیله لیبئرال تورکچولر طرفیندن یازیلمیش بیر چوخ مقاله تورکییه قزئتلرینده یاییلیب. آنجاق ۱۹۳۰-جو ایللرده تورکچولوک فعالیتلری مهدودلاشدیریلینجا بو نؤو یازیلار داها چوخ اونیوئرسیتئتلر و آکادئمیک درگیلرده یاییلا بیلیب. 
بابک شاهید ائلجه ده سون دؤنملرده تورکییه مئدیاسیندا گونئی مسلسینه کئچمیشده اولدوغو کیمی یئر وئریلمه‌مه‌سینین سببلری ایله باغلی اؤز دوشونجه‌لرینی آمئریکانین سسی ایله پایلاشیر. 

“گئرچکدن بیزلر بورادا خبرلری بیزیم مسله‌لری عکس ائتمک ایسته‌ین مئدیایا چاتدیرماق اوچون چابا گؤسترمیشیکمی؟” دئیه سوال ائدن شاهید تورکییه‌ده یاشایان گونئیلی فعاللارین بو ساحه ده یئترلی فعالیت گؤسترمه‌دیکلرینی قئید ائدیب. 

او، همچنین مئدیا اوزرینده نوفوز صاحیبی اولان سوپئر گوجلرین قویدوقلاری تاثیر حاقیندا دانیشیر. 

بابک شاهید سببلرین بیرینی گونئیلی میللی فعاللارین تورکییه‌ده‌کیسیاسی قروپلارلا دوزگون علاقهقورا بیلمه‌دیکلرینه باغلاییر. 

“اوچونجو ندن تورکییه‌ده ساغ کسیمین بیزی یاخشی آنلاماماسیدیر. یا بیز یاخشی آنلادا بیلمه‌میشیک یا دا اونلار یاخشی آنلاماییبلار،” دئیه او علاوهئدیر. 

گونئیلی اؤیرنجی یاخین گله‌جکده تورکییه مئدیاسینین گونئی آذربایجان مسلسینه یئترلی یئر وئره‌جگینه ایناندیغینی سؤیله‌ییر 

آمئریکانین سسی