تورک اولکه‌لری ذیروه‌سی توپلانیر
تورک اولکه‌لری ذیروه‌سی، جمهورباشقانی عبدالله گولون ائو صاحب‌لیگینده، ژوئن‌ین دؤردونده بودروم‌دا توپلانا‌جاق.
تورکیه، آذربایجان، قیرقیزیستان و قازاقیستانین اولوشدوردوغو ذیروه‌یه بو ایل تورکمنیستان دا قاتیلا‌جاق. اؤزبکیستانین ایسه بیر مدت سونرا اولوشومدا یئر آلماسی هدف‌لنیر.اؤنجه واشنگتن، برلین و پاریسده اولوشدورولماسی پلانلانان دیاسپورا بؤلگه‌سل مرکزلری ایله دونیادا یاشایان تورک‌لر بیر آرایا گتیریله‌جک. هدف، اورتاق حرکت ایله ارمنیستان سورونو کیمی اؤنم‌لی قونولاردا قامواویو اولوشدورابیلمک. زامان ایچینده تورک دیاسپوراسینا باغلی بیر ساییم گرچکلشدیریلمه‌سی ده پلانلانیر.
تورک کنه‌شی باش کاتیبی خلیل آکینجی، دونیادا یاشایان تورک‌لرین ساییسینا دقت چئکرکن گؤزلنیلن ائتکینین گؤستریلمه‌سی اوچون ائدیله‌بیله‌جک ایشلرین اؤنمینه وورغو ائتدی. دیپلوماسی موخبیرلری درنگی عضو‌لرینه دانیشان آکینجی، تورک دیاسپوراسینین نفوذونون نفوسو قدر ائتکیلی اولمادیغینی سؤیله‌دی، “آرامیزدا بیرلشیب بیرلیکده حرکت ائتدیگیمیز تقدیرده نفوذوموز دا آرتا‌جاق، اورتاق چیخار‌لاریمیزی قورویاجاغیق” دئدی.
“اورتاق تاریخ کیتابی” پروژه‌سی ایسه، گنج‌لری اورتاق کولتور و گئچمیش شعورونا قاووشدورمایی آماجلاییر. تورک اؤلکه‌لرینین ایلک و اورتا اؤیرتیمده اوخودولا‌جاق تاریخ کیتابی گله‌جک ایلدن اعتباراً پروگراما قویولا‌جاق. گوونلیک قونولاری دا بودروم ذیروه‌سی‌نین اؤنه چیخان باشلیقلاریندان اولا‌جاق.بیر باشقا اؤنم‌لی پروژه ایسه توریزم . اورتاق جغرافیانین بیر بؤلومو اولان تاریخی ایپک یولو اوزرینده بیر توریزم آلانی اولوشدورولا‌راق یول هم بؤلگه، هم دونیا اوچون چئکیم مرکزی حالینا گتیریله‌جک.
تی آر تی تورکی