۱۳۸۵- جی ایل خرداد قیامی (و بو موضوع ایله باغلی او زامانین اس ام اس لری) ــ حسن راشدی
۱۳۸۵- جی هجری شمسی ایلین “خرداد قیامی ” آزربایجان تاریخینده اؤزل موقعیته مالیکدیر. بو تاریخده ” ایران ” آدلی دولتی قزئت‌ده تورک‌لره توهین اولدوقدا بو توهینه سارسیدیجی جاواب وئره‌رک آزربایجان میلّتی آزربایجانین بوتون شهرلرینده آیاغا قالخیب اعتراض قیامینا باشلادیلار .
بو اعتراض آزربایجانین ان اؤنملی و باش شهری تانینان تبریزدن توتدو، اورمیه، زنجان، اردبیل، قوشاچای، خوی، مرند، داش‌ماکی، سولدوز(نقده)، خیاو(مشکین شهر) شهرلرینده داوام ائده‌رک آزربایجانین کیچیک شهرلری اولان طارم، پارسا آباد و گئرمی کیمی شهرلرینده ده ادامه تاپدی.
بو قیام یالنیز آزربایجان شهرلری دئییل تهران کیمی شهرده و ایرانین مرکزی و یاریدان بلکه چوخ جمعیتینی تورک‌لر تشکیل ائدن پایتختینده‌ده اؤز عکسینی تاپدی.
اوشاقلارا عاید “ایران” قزئتینده چاپ اولان حیاسیزجاسینا تورک‌لره حؤرمت سیزلیک و ” سوسک ” (بؤجَک ) موضوع‌سو آدی آلتیندا و کاریکاتور کیمی یاییلان توهیندن سونرا او گونلرین حادثه‌لری ایله ایلگیلی چوخلو اس ام اس خبرلری آزربایجانلیلار آراسیندا یاییلدی، بو اس ام اس خبرلرین بیر قیسمی‌ده او زامان منیم جیب تئلفونوما گلمیشدی.
جمعه گونو ۲۲/۲/۱۳۸۵ تاریخینده ” ایران” قزئتی‌نین اوشاقلارا عاید اؤزل بؤلومونده و ” چه کنیم سوسکها سوسکمان نکنند = بؤجکلر بیزی بؤجک ائتمه مک اوچون نه ائتمه لییک؟ ” آدی آلتیندا تورک‌لره توهین اولدوقدان سونرا، آزربایجان اؤیرنجی‌لری و مدنی فعاللار اعتراض عنوانیندا بو توهینه تپکی گؤستردیلر و عمومی اعتراض قیاملاری آزربایجان شهرلرینده باشلاندی.
بو اعتراضلارین بیر سیراسی خبر کیمی SMS یولو ایله دوست و تانیشلارا گونده ریله‌رک منه‌ده گلیردی کی، او زامانین اس ام اس لریندن بیر سیراسینی تاریخ و بعضی‌لری‌نین حتی ساعاتلاری ایله بیرلیکده یادداشت ائتدیگیمدن بورادا گتیریرم، بو اس ام اس لر کیمین طرفیندن منه گوندریلیردی چوخونو بیلمیردیم، آمما آمار باخیمدان تظاهرات ائدنلرین و یا باشقا موضوع‌لارین حقیقت اولدوغو و یا حقیقته داها یاخین اولدوغونو گؤستریردی:
شنبه‌دن دوز گونونه قدر ۲۳ / ۲ /۱۳۸۵ الی ۲۵/ ۲ / ۱۳۸۵
تبریزین “سهند” بیلیم یوردوندا ظاهرا صنفی ایستَک‌لره گؤره اؤیرنجی‌لر اوروج اعتصابی ( اعتصاب غذا) ائتمیش و یئمک یئمکدن امتناع ائتمیشلر، لاکین الکترونیکی سایتلارین بعضی‌لری یازمیشدیر:
” اعتصاب غذای دانشجویان دانشگاه سهند در ارتباط با مسائل قومی است”
سه شنبه ۲۶ / ۲/ ۱۳۸۵
تبریز بیلیم یوردو تورک اؤیرنجی‌لری ” ایران ” قزئتی‌نین تورک‌لره اهانت ائتدیگینه گؤره بیر توپلانتی دا اؤز اعتراضلارینی تبریز دانشگاهی‌نین ایچینده گؤسترمیشلر، اس ام اس خبرلرینه اساسا بو اعتراض دا ۶۰۰۰-۷۰۰۰ اؤیرنجی اشتراک ائتمیشدیر.
چهار شنبه ۲۷ / ۲ / ۱۳۸۵
تبریز بیلیم یوردو تورک اؤیرنجی‌لری تبریز دانشگاهی‌نین ائشیگی و بو دانشگاهین قاباغیندا توپلاناراق ” ایران” قزئتی‌نین تورک‌لره قارشی اهانتینه اعتراض ائده‌رک بو قزئتین باغلانماسینی ایسته‌میشلر، خبرلره گؤره بو اعتراض دا ۱۰۰۰۰ اؤیرنجی اشتراک ائتمیشدیر.
چهار شنبه ۲۷ /۲/ ۱۳۸۵
تهران بیلیم یوردونون تورک اؤیرنجی‌لری بو گون ساعات ۱۲:۳۰ دا تهران دانشگاهی قاباغیندا توپلانمیش و ” ایران” قزئتی‌نین توهینینه اعتراض ائتمیشلر لاکین پولیس قوه‌لری اؤیرنجی‌لری دانشگاه ایچینه سوروکله‌میش و ائشیکدن گلیب اعتراضا قوشولان تورک اؤیرنجی‌لرین قاباغینی آلمیشدیر. بو اعتراضا ۴۰۰ – ۵۰۰ اؤیرنجی قاتیلا بیلمیشدیر .
چهار شنبه ۱۷ / ۲ / ۱۳۸۵
” اردبیل بیلیم یوردو” ندا ۱۰۰۰ نفر اؤیرنجی ” ایران” روزنامهسینه اعتراض عنوانیندا توپلانمیشلار، عین حالدا تهران بیلیم یوردلاری تورک اؤیرنجی‌لری اعلام ائتمیشلر کی، اگر ” ایران” روزنامه‌سی مسئولو تورک‌لره ائتدیکلری اهانته گؤره معذرت ایسته‌مزسه، ” پلی تکنیک ” و یا ” علم و صنعت ” دانشگاهیندا اعتراض اولاجاق!
چهار شنبه ۱۷ / ۲ / ۱۳۸۵
اورمیه مطبوعات دکه‌لری ” ایران” روزنامهسینه اعتراض عنوانیندا بو روزنامه‌نین ساتیشینی تحریم ائتمیشلر. قرار اوزره پنجشنبه ۲۸ / ۲ / ۸۵ تاریخینده “اورمیه آزاد بیلیم یوردو ” نون ” سما Sema – ” واحدینده ساعات ۱۱ ده ایران روزنامه‌سی علیه اینه تحصّن اولاجاق.
چهار شنبه ۱۷ / ۲ / ۱۳۸۵
اورمیه‌ده تحصّن‌لر گلن هفته‌ده داوام ائده‌جک، اورمیه‌لی‌لر خردادین ایکی سینده اورمیه شهرینده ” ایران ” روزنامه‌سی نماینده لیگی قاباغیندا اعتراض عنوانینندا توپلاناجاقلار.
پنجشنبه ۲۸ / ۲ /۱۳۸۵
اورمیه و نقده شهرلرینده ” ایران” روزنامهسینه اعتراض داوام ائده‌جک، عین حالدا ” سهند ” دانشگاهیندا ” ایران ” روزنامه‌سی علیهینه شنبه گونو ۳۰ / ۲/ ۸۵ ده اعتراض اولاجاق.
جمعه ۲۹ / ۲ / ۱۳۸۵
” ایران ” روزنامه‌سی اؤزل سایی: ” دو بار از آزری‌ها عذر خواسته‌ایم، دیگر کافی است نه توقیف روزنامه و نه محاکمه‌ای را نمی‌پذیریم.”
جمعه ۲۹ / ۲ / ۱۳۸۵
ایران روزنامه‌سی‌نین تبریز دفتری اودا چکیلدی
شنبه ۳۰ / ۲ / ۱۳۸۵
” ایران ” روزنامه‌سی‌نین اورمیه دفتری جمعه گونو ۲۹ /۲ /۸۵ اودا چکیلدی.
شنبه ۳۰ / ۲ / ۱۳۸۵
اورمیه‌ده ” ایران ” روزنامهسینه اعتراض ائدنلری امنیت قوه‌سی عطایی خیابانیندا و ساعات ۶ دا داغیتدی
شنبه ۳۰ / ۲ / ۱۳۸۵
خوی شهرینده و باشقا بیر نئچه شهرده میلّتچیلردن بیر تعدادی او جومله‌دن ابراهیم جعفرزاده توتولوبلار
شنبه ۳۰ / ۲ / ۱۳۸۵
ساعات ۸:۴۰ آخشام: سولدوزون وضعیتی قاریشیقدیر، میلّت اعتراض عنوانیندا خیابانلاری باغلاییبلار، توتوقلانانلارین سایی چوخدور.
یکشنبه ۳۱ / ۲ / ۱۳۸۵
خالخال‌ین آزاد دانشگاهیندا ۲۵۰۰ اؤیرنجی” ایران” قزئتی علیهینه تحصّن ائدیب.
یکشنبه ۳۱ / ۲ / ۱۳۸۵
سولدوزون ” سلطان ” داغیندا تظاهرات اولوب، اوچ نفر آز یاشلی یئنی‌یئتمه طرفیندن بیر بایراق چیخیب بو تظاهراتدا، دولت قوه‌لری طرفیندن بیر نفر گولله‌له نیب ایکی نفر اشکنجه آلتیندا.
یکشنبه ۳۱ / ۲ / ۱۳۸۵
” اکبر اعلمی ” مجلس‌ده: احمدی نژادین عرضه‌سی یوخدور اونون روزنامه‌سی اهانت ائدیر.
یکشنبه ۳۱ / ۲ / ۱۳۸۵
بو گون ساعات ۱۲- ۱۳ کیمی میانانین آزاد بیلیم یوردوندا اؤیرنجی‌لر تحصّن ائدیبلر، سونرا ائشیگه چیخیبلار و میلّت ده اونلارا قوشولاراق فرمانداری قاباغیندا ” ایران” روزنامه‌سی‌نین توهینینه اعتراض ائدیبلر.
یکشنبه ۳۱ / ۲ / ۱۳۸۵ – ( ۲۱ /۵ / ۲۰۰۶)
روزنامه آفتاب یزد: دانشگاه زنجان تعطیل شد، در صورت عدم صدور مجوز راهپیمایی جاده ترانزیت تهران – تبریز مسدود خواهد شد
یکشنبه ۳۱ / ۲ / ۱۳۸۵
اردبیل شهری‌نین ” محقق اردبیلی” بیلیم یوردوندا ۲۰۰۰ نفرلیک اؤیرنجی تحصّنی ” ایران” روزنامه‌سی علیهینه باشلاندی.
یکشنبه ۳۱ / ۲ / ۱۳۸۵ – (۲۱ / ۵ / ۲۰۰۶)
بو گون ” قوچان بیلیم یوردو ” ندا ساعات ۵ ده ایران روزنامه‌سی علیهینه اعتراض اولاجاق، عین حالدا تهراندا میلّی فعاللار بوتون تورک‌لری چهارشنبه گونو ۳ / ۳/ ۸۵ تاریخینده تهرانین خرمشهر خیابانبندا یئرله‌شن ” ایران ” روزنامه‌سی دفتری قاباغیندا اعتراض توپلانتی سینا دعوت ائتدیلر.
یکشنبه ۳۱ / ۲ / ۱۳۸۵
تبریزین ” سهند ” دانشگاهیندا تحصّن اولدو
یکشنبه ۳۱ / ۲ / ۱۳۸۵ – (۲۱ / ۵ / ۲۰۰۶)
فارس نیوز: دفتر روزنامه ” ایران ” در ارومیه به آتش کشیده شد.
یکشنبه ۳۱ / ۲ / ۱۳۸۵
حجت الاسلام حسنی و محمد عباسپور از تحصّن سه شنبه دوم خرداد اعلام حمایت کردند ( تحصن ساعت ۱۷:۳۰ مقابل روزنامه ” ایران ”
دو شنبه ۱ / ۳ / ۱۳۸۵ – ( ۲۲ / may / 2006)
روزنامه شرق ص ۷ ، اکبر اعلمی: دولت و سخنگوی دولت از مردم عذرخواهی کند.
دو شنبه ۱ / ۳ / ۱۳۸۵
تبریزده بو گون راستا بازاردا اولان تظاهراتا مجوز وئریلیب.
دو شنبه ۱ / ۳ / ۱۳۸۵ – ( ۲۲ / may / 2006)
زنگان‌دا میلّت شهرین مرکزی مئیدانینا توپلاشیب و شعار وئریر.
دو شنبه ۱ / ۳ / ۱۳۸۵ – ( ۲۲ / may / 2006)
ساعات ۱۴:۱۳
صبر تبریز لبریز شد تظاهرات آغاز شد.
دوشنبه ۱ / خرداد / ۱۳۸۵ – ( ۲۲ / may / 2006)
ساعات ۱۶:۴۵
تبریزده آزی ۵ مین نفر خیابانلاردا
ساعات ۱۷:۱۴
تبریزده میلّتین اوستونه ایستی سو و گؤز یاشاردیجی گاز بوراخیبلار
ساعات ۱۷:۲۹
۵۰۰ نفر از دانشجویان دانشگاه اهر از روز شنبه اعتراض خودرا به روزنامه ایران ادامه می‌دهند، به علت فاصله زیاد دانشگاه با شهر نیروهای دولتی اجازه ورود به شهر نمی‌دهند
ساعات۱۸:۲۶
تبریز شهری قاراباغا دؤنموش
ساعات ۱۸:۲۳
هم اکنون بیش از ۱۵ هزار نفر در خیابان آبرسان و میدان ساعت به تظاهرات خونین ادامه می‌دهند
ساعات ۱۸:۵۲
بو ساعاتدا تبریزده نئچه‌یوز مین قهرمان میلّتیمیز خیاباندا، دولتی سازمانلار و انتظامی قوه لر میلّته قوشولوبلار
ساعات ۱۹:۱۹
تبریزین بازاری بو گون کاملا باغلاندی، تظاهراتدا نئچه‌یوز مین نفر اشتراک ائدیب ، ۴۰ نفر توتولوب، میلّت پاسگاه قاباغینا گئدیب توتولانلارین آزاد اولماسینی ایسته ییرلر.
…………………….
و چوخلو اس ام اس لر کی قیامین سونونا قدر منه گلیردی و من اونلارین هامیسینی قویماغی اویقون گؤرمورم.