دیلشاد علی یارلی

ایران آزربایجانیندا مای آکسییالارینین ایل دؤنومونه حاضرلیقلار گئدیر. ۲۰۰۶-جی ایلده «ایران» قزئتینده نشر ائدیلمیش آلچالدیجی کاریکاتورا گونئی آذربایجانلیلار آراسیندا بؤیوک ناراضیلیغا و بونون آردینجا گئنیش آکسییالارا سبب اولموشدو. اعتراض نوماییشلرینده یوزلرله آذربایجانلی فعال حبس ائدیلمیش، اؤلنلر اولموشدو. آزربایجان میللی دیره نیش تشکیلاتینین اجتماعی علاقه‌لر و مئدیا اوزره نماینده‌سی بابک چلبییانلی آمئریکانین سسینه موصاحیبه‌ده مای حادثه‌لرینین ایل دؤنومونو موذاکیره ائدیب.  

بابک چلبییانلی ۲۲ مای حرکاتینین هم گونئی آزربایجانیندا، هم ده دونیا اؤلکه‌لرین‌ده یاشایان آزربایجانلی میللی فعاللار طرفیندن قئید ائدیلدیگینی بیلدیریب. بو ایل اونون سؤزلرینه گؤره، گونئیلی فعاللار مای حادثه‌لرینین ایل دؤنومو موناسیبتیله آنکارا، واشینگتون، لوندون و آوروپانین بیر سیرا باشقا شهرلرینده آکسییالارین کئچیریلمه‌سینی پلانلاشدیریب.

لاکین بابک چلبییانلی گونئی آزربایجاندا سیاسی آتموسفئرین آچیق اولمادیغینی قئید ائد‌رک، آذربایجان تورکلرینین ۲۲ مای، ائل‌جه ده بئین الخالق آنا دیلی گونو کیمی مد‌نی حقوقلارینین تانینماسی طلبیله آکسییالار کئچیرمه‌سینه ایجازه وئریلمدیگینی بیلدیریب.

آزربایجان میللی دیره نیش تشکیلاتینین نماینده‌سی ۲۰۰۶-جی ایلده مای حادثه‌لری زامانی آزربایجان تورکلرینین آلجالدیجی کاریکاتورایا عمومی اعتراض حرکاتی یاراتدیغینی دئییب. او، یوزلرله فعالین حبس ائدیلدیگینی، اوزون مدتلی حبس جزالاری آلدیغینی و بعضی فعاللارین هر هانسی بیر واخت حبس اولونا بیلدیینی قئید ائدیب. «اونلارین دوسیالاری آچیقدیر، یعنی  آزاد ائدیلسه‌لرده، ایستدیکلری واخت اونلاری یئنه ده تکرار حبسه آلا بیلرلر»-دئیه بابک چلبییانلی بیلدیریب. اونون سؤزلرینه گؤره، فعاللارین بیر حیصه‌سی اؤلکه‌نی ترک ائد‌رک، ایندی خاریجی اؤلکه‌لرده موهاجیرتده یاشامالی اولوب.

بابک چلبییانلی ۲۰۰۶-جی ایلده ۲۲ مای حادثه‌لرینین تاریخی اهمیتیندن دانیشاراق، دئییب کی، اگر اوللر سیاسی فعاللیق اساساً میللی فعاللاردان عبارت بیر قروپ ضیالی و طلبه آراسیندا موشاهیده ائدیلیردیسه، مای اعتراضلاری آرتیق خالقین اؤز ایراده‌سینی ایفاده ائتمک ایستدیینی نوماییش ائتدیردی.

ویدئویو ایزله مک اوچون بورایا تیخلایین