بؤیوک بَی رسول اوغولو’نون؛ یوروش بَی مهرعلی بَیلی’یه موراجیعتی
دَیَرلی جناب یوروش بَی مهرعلی بَیلی : آذربایجان تورک میللتینین یورولماز موباریزلریندن اولدوغونوز اوچون اوره ییمین اَن درین یئرلرینده یووا سالمیش محبتینیز گونو گوندن آرتماقدادیر. امین و آرخایینام کی، تکجه منیم دَییل مظلومیت ساجیندا قیوریلا قیوریلا قوورولان بوتون اویانمیش میللتیمیزین سیزه اولان سئوگیسی سون‌سوزدور. ۱۶-۱۷ ایلدیر، سیزین میللی حرکاتیمیزداکی گئنیش،قاپساملی،منطیقلی و حئسابلانمیش فعالیتیزی تعقیب ائد‌ن بیر سویداشیز اولاراق سیزین دوام ائتدیردیگینیز سیاسی اوروجون ووجودوزا ووراجاغی زیان منیم و امینم کی بوتون میللتیمیزین اوره یینین باشینی یارالییاجاقدیر. شوبهه یوخدور کی، میللتیمیزین بو آغیر شرایطینده و اؤزللیکله‌ده داخیلده‌کی آسدی-کسدی سیایستینین قارشیسیندا سیزلرین موقاویمتی، میللی فعاللاریمیزا اورَک-دیرک و دوشمنلریمیزین گؤزونه بیر تیکاندیر. آنجاق، سیزلرین ساغ سالامات آزادلیغا قوووشمانیز و میللتیمیزین گلخ جه یینی قارانتیلاماغینیز هر بیر تورکون صمیمی آرزوسودور. اونون اوچون منده باشقا میللی فعاللاریمیزا قوشولاراق سیزدن ایصرارلا خواهیش ائدیرَم کی باشاری ایله دوام ائتدیردیگینیز بو آجلیق آکسییاسینی دایاندیراسیز.
دَرین حؤرمتلریمله : بؤیوک رسول اوغلو
۱۷.۰۵.۲۰۱۴