آم د ت نین تورکییه ده کی معدن فاجیعه سی ایله باغلی باش ساغلیغی مساژی
مع الاسف قارداش تورکییه نین سوما قصبه سینده مئیدانا گلن معدن قضاسیندا اوچ یوز نفره یاخین اینسان حیاتینی ایتیریبدیر. بو آجی فاجیعه قارداش تورکییه ایله برابر گونئی آزربایجان تورکلرینی ده دریندن یارالامیش و حوزنه بوغموشدور.
آزربایجان میللی دیرنیش تشکیلاتی اولاراق بو آجی اولای موناسیبتی ایله قارداش تورکییه میللتینه باش ساغلیغی دیلر، حیاتینی ایتیرن اینسانلاریمیزا آللاهدان رحمت، عایله لری و سئونلرینه صبر نیاز ائدیریک. بو آجی گونده قارداش تورکییه نین آجی و کدرینی پایلاشماغی اؤزوموزه بورج بیلرک گونئی آزربایجان تورکلرینین تعزیه سینی قارداش تورکییه یه ایلتمک ایستریک.
آزربایجان میللی دیرنیش تشکیلاتی
گونئی آزربایجان
15/05/ 2014