گونئیلی فعاللار “آنا گونو” موناسبتی ایله دوغو تورکیستان رهبری “ربیعه قدیر”-له گوروشوبلر
11 مایس دونیالیق “آنا گونو” موناسبتی ایله داود توران “آزربایجان میلی دیرنیش تشکیلاتی”-نین بیرینجی کاتیبی و کتایون خانم سرنثار “گونئی آزربایجان امئریکان جمعیتینین “دیرکتورو دوغو تورکیستانین لیدری خانم ربیعه قدیرله گوروشوبلر.
گوروشده خانم ربیعه آنا گونونو تبریک ائدرک تورک دونیاسینین قادینلارینی دایانیشمایا چاغیریبدیر، دوغو تورکیستان خالقی میلی موجادله ده گونئی آزربایجان تورکلرینین یانیندا اولدوغونو قید ائدن ربیعه خانم واشنگتوندا یاشایان تورک قادینلارینی بیرلیکده فعالیت ائتمگه دعوت ائدیبدیر.
“آزربایجان میلی دیرنیش تشکیلاتی”-نین بیرینجی کاتیبی داود توران ایران رژیمی طرفیندن گونئی آزربایجان تورکلرینین آنا دیلده تحصیلدن محروم قالدیقلارینی قید ائدرک اوراداکی دوورم حاقدا اطرافلی معلومات پایلاشیب.
خانم دوکتور کتایون سرنیثار”SASA” دیرکتورو “آنا گونونو” تبریک ائدرک بوندان سونرا واشینگتوندا یاشایان دوغو تورکیستان و تاتار تورکلری ایله بیرلیکده فعالیت ائده جکلرینی ایفاده ائدیب .
