باکی‌دا تورکلوک گونو
“آزربایجان-تورکیه ائوی” ۳ مای -تورکلوک گونو ایله باغلی اوپئرا و بالئت تئاتریندا “تورکلوک بایرامی” تشکیل ائدیب. دونیا آزربایجانلیلاری کونقرئسینین همسدری، میللی مجلیسین دئپوتاتی صابیر روستمخانلی تورکلوک بایرامینین اساسینین ۱۹۴۴-جو ایلده تورکیه‌ده قویولدوغونو و بو جریانا نیهال آتسیزین رهبرلیک ائتدیگینی وورغولاییب. سووئت ایتتیفاقی ترکیبینده اولان تورک اؤلکه‌لری آزادلیقلارینی الده ائتدیکدن سونرا بو گونو قئید ائدیر.
“سون ایللرده بو تاریخین بایرام ائدیلمه‌سی داها چوخ دونیا تورکلرینی بیر آرایا گتیرمک، بیر-بیریله اونسیتین پوزولماسینا ایمکان وئرمه‌مک مقصدی داشیییر. هم ده تورک خالقلارینین بیر-بیرینین اینجه‌صنعتی ایله داها یاخیندان تانیش اولماق واسیطه‌سینه چئوریلیب” ،او قئید ائدیب.
بایراما کئچمیش ام د ب مکانیندا یاشایان و تورکیه‌دن صنعتچی‌لر قاتیلیب. خاکاسییا، یاکوتییا، داغلیق آلتای، قیرغیزیستان، آزربایجان‌دان اولان صنعتچی‌لر موسیقی نؤمره‌لری ایله بوتونلوکده تورک موسیقی دونیاسی باره‌ده عومومی تصوور یارادیب. ایفا ائدیلن بو موسیقی نؤمره‌لری هانسیسا سولو ایفادان داها چوخ تورک-شامان سس دویومونون گونوموزه گتیریلمه‌سی تسسوراتی یاشادیب.
بایراما تورکیه‌دن وطن‌پرور ماهنیلارین ایفاچیسی احمد شفق، آزربایجان‌دان “ساوالان” قروپو و شمیستان علی‌زامانلی قاتیلیب.
آمئریکانین سسی
بو یازی تبریز سسی امکداشلاری طرفیندن عرب الیفباسینا کوچورولوبدور