داوود توران: «واشینقتون بؤلگه‌ده باریشین یارانماسیندا ماراق‌لیدی»
آبش-دا یاشایان گونئی آذربایجان سوسیال و مدنیت آراش‌دیرمالار مرکزینین و آذربایجان میللی دیرنیش حرکاتینین صدری، پولیتولوق داوود توران karabakhinfo ‘آ موصاحیبه‌سینده بئله دئییب:
– داوود بی، سون ایللر آبش ایشتاتلاری طرفین‌دن خوجالی سویقیریمینین تانیتیم پروسئ‌سی گئدیر. دئیه‌سه‌ن، آمئریکادا «ائرمه‌نی میفی»،»مظلوم ائرمه‌نی»اوبرازی داغیلماق اوزره‌دی. سیز نئجه دوشونورسونوز؟
– بو کیمی قرارلارین قبولو دونیادا خوجالی حادثه‌سینی سویقیریم آکتی کیمی تانینماسینا بؤیوک یول آچیر. ائرمنیستان و ائرمه‌نی لوببی‌سی فرقین‌ده‌دیر کی، اونلارین قوندارما میفی داغیلماق‌دادیر و بو مسئله‌ده آذربایجان دؤولتی اوغورلو مانئورلر ائتمک‌ده‌دیر. سیستئم‌لی تبلیغات واسطه‌لری اؤز موسبت نتیجه‌سینی وئریر. آرتیق دونیا بیرلیگی یاخشی درک ائدیر کی، اصل سویقیریم خوجالی‌دا یاشانیب و یوزلرله اینسان اؤلدورولوب، مین‌دن چوخ اینسان ایسه اسیر گؤتورولوب. اورادا بیر دیار محو ائدیلیب. اؤزو ده معاصر دونیانین گؤزو قارشی‌سین‌دا. بو حادثه‌لره قیمت وئرمیین زامانی‌دیر. حساب ائدیره‌م کی، بو کیمی قرارلارین قبول ائدیلمه‌سی خبرلرینی چوخ ائشیدجییک. آذربایجان دونیادا قوندارما ائرمه‌نی میفینی داغی‌دیر… آمئریکا-آذربایجان علاقه‌لری سرعتله اینکیشاف ائتمک‌ده‌دیر و ایکی اؤلکه آراسین‌دا موناسیبتلر ایستراتئژی سوییه‌ده‌دیر.
– آبش-این جنوبی قافقازدا فعاللاشماسی گؤزله‌نیله‌ن‌دیرمی؟
– آمئریکا هر زامان بؤلگه‌ده فعال اولماغا چالیشیب. نظره آلماق لازیم‌دیر کی، روسییانین بؤلگه‌یه تأثیر ایمکانلاری گئنیش‌دیر و بونا گؤره ده واشینقتون داها احتیاط‌لی، بالانس‌لی سیاسی کورسا اوستونلوک وئریر. چونکی روسییا-گورجوستان محاربه‌سین‌دن سونرا، بؤلگه‌یه باخیش دییش‌دی. اونا گؤره روسییا فاکتورونو نظره آلماماق مومکون دئییل. اوسته‌لیک، روسییانین بو بؤلگه ایله باغلی یوز ایللردن چوخ‌دور کی، تاریخی-سیاسی و مده‌نی-اقتصادی علاقه‌لری وار. اما بونونلا یاناشی آمئریکانین قافقازدا سیاسی-اقتصادی ماراقلاری وار.
– واشینقتونون داغ‌لیق قاراباغ مسئله‌سینین حلین‌ده فعال‌لیغی ایسته‌نیله‌ن سوییه‌ده دئییل. سیزجه، بو نه ایله الاقدار اولا بیلر؟
– بو گون دئمک اولماز کی، واشینقتونون موناقیشه‌نین حلین‌ده فعال‌لیغی ایسته‌نیله‌ن سوییه‌ده دئییل. مسئله‌یه بو سوییه‌ده یاناشماق دوزگون اولماز. واشینقتون بؤلگه‌ده سولهون یارانماسیندا ماراق‌لی اولان دؤولتلردن بیری‌دیر. نظره آلماق لازیم‌دیر کی، آبش آتت-این مینسک قروپونون همسدر دؤولتلرین‌دن بیری‌دیر. آبش-دان باشقا ایکی همسدر دؤولت وار. آمئریکا تشببوسلر گؤستریر. اما بورادا موباهی‌سه‌لی مسئله‌لر اولدوغو اوچون، بو تشببوسلر نتیجه وئرمیر. آبش طرفلری هان‌سی‌سا آددیم آتماغا دا مجبور ائده بیلمز. آمئریکا دا یاخشی درک ائدیر کی، قاراباغ مسئله‌سینین حلی اونلارین بؤلگه‌ده مؤقعلرینین آرتماسینا سبب اولاجاق.
ائلنور ائلتورک