تایماز مهر علی‌بگلو: اطلاعات قارداشیمین حیات یولداشینی‌دا حبس ائتمکله تهدید ائدیر
“قارداشیم معروض قالدیغی هاقسیزلیق و اذیتلر، ائلجه‌ده تهلوکه‌سیزلیک قوروملارینین عاییله‌سی، خصوصیله حیات یولداشی صونا خانیما قارشی تطبیق ائتدیگی باسقیلار و تهدیدلره اعتیراض اولاراق آجلیق ائدیر،” دئیه آپرئلین ۱۵-دن تبریز زیندانیندا آجلیق آکسییاسینا باشلامیش گونئیلی محبوس یوروش (آیت) مهر علی‌بگلونین قارداشی تایماز مهر علی‌بگلو آمئریکانین سسی ایله صؤحبتده بیلدیریب. اونون سؤزلرینه گؤره حبس اولونموش فعالین عاییله‌سی ایران حؤکومت اورقانلاری طرفیندن مونتظم باسقیلارا معروض قالیب.
یوروش و صونایوروش مهر علی‌بگلو یئنی گونئی آذربایجان میللی اویانیش حرکاتی (یئنی گاموح) تشکیلاتینین مرکزی کومیته عوضوودور. ۲۰۱۲-جی ایلین دئکابری و ۲۰۱۳ یانوار و فئورال آیلاریندا اطلاعات مأمورلاری طرفیندن حبس ائدیلمیش یئنی گاموح لیدئرلری یوروش مهر علی‌بگلو، محمود فضلی، لطیف حسنی، شهرام رادمهر و بهبود قلی‌زاده غئیری-قانونی تشکیلات قورماق” و “ایران ایسلام رئسپوبلیکاسینا قارشی تبلیغات آپارماق”دا ایتتیهام ائدیله‌رک هر بیری ۹ ایل حبسه محکوم ائدیلیب. “یوروش سیاسی بیر محبوس اولاراق اؤزو و دیگر محبوسلارین حقوقونو طلب ائدیر. عاییله‌سینه قارشی باسقیلار و تهدیدلره سون وئریلمه‌سینه ایسته‌ییر. اونون عاییله‌سینه چوخ تضییق ائدیبلر… کئچن دفعه‌توتولدوغوندا یوروشو کیچیک اوغلونون یانیندا دؤیموشدولر. سونرا حیات یولداشینی حبس ائتدیلر… صونا خانیمی ۱۰ گون اؤنجه چاغیریب، یئنه‌ده حبس ائتمکله تهدید ائدیبلر. بوتون عاییله‌نی تهدید ائدیرلر، مئدیا ایله دانیشدیغیمیز تقدیرده بیزی‌ده حبس ائده‌جکلرینی سؤیله‌ییرلر،” دئیه تایماز مهر علی‌بگلو سؤیله‌ییب.
محبوسون قارداشی یئنی گاموح لیدئرلرینین اؤتن ایلین اییول و آوقوست آیلاریندا کئچیردیگی ۲۸ گونلوک آجلیق آکسییاسینا ایشاره ائده‌رک، اونلارین او واخت شرطلی اولاراق آجلیغا سون وئردیکلری و او شرطلرین بو گون ده یئرینه گتیریلمه‌دیگینی قئید ائدیب.
یئنی گاموح عوضوو بهبود قلی‌زاده‌نین موعالیجه و عملیات اوچون مأذونیته چیخماسینا ایجازه وئریلیب. لاکین، تایماز مهر علی‌بگلونین دئدیگینه گؤره، دیگر محبوسلارین‌دا جیدی شکیلده موعالیجه‌یه احتییاجلار وار. او، همچنین تبریزدن اوزاقدا یاشایان عاییله‌لرین محبوسلارلا گؤروشمک اوچون تبریزه گلمکده پروبلئملر یاشادیغینی، و قارداشینین آجلیق آکسییاسی ایله بو مسئله‌ده گوندمه گتیردیگینی وورغولاییب.
“مأذونیته چیخماق محبوسلارین حاقیدیر. موعالیجه اولماغا احتییاجلاری اولماسا بئله، اونلارا اؤز هاقلاریندان ایستیفاده ائتمک اوچون ایجازه وئریلمه‌لیدیر… دیگر محبوسلار، خصوصیله لطیف حسنی‌نین عاییله‌سی تبریزدن اوزاق شهرلرده یاشاییرلار. یوروش همچنین اونلارین اؤز شهرلرینه کؤچورولمه‌سینی طلب ائدیب” دئیه گونئیلی محبوسون قارداشی علاوه ائدیب.
آمئریکانین سسی
بو یازی تبریز سسی امکداشلاری طرفیندن عرب الیفباسینا کوچورولوبدور