تئهران‌دا حبس‌ده اولان تورک فعاللارین دورومو آغیردیر
آذربایجان فعاللاری و حقوق مدافعه‌چیلری فئورال آیین‌دا دونیا آنا دیلی گونو ایله باغلی کوتلوی حبسلر زامانی نظارت آلتینا آلینمیش و حاضردا تئهرانین ائوین حبسخاناسیندا ساخلانیلان میللی فعاللارین دورومو ایله باغلی ناراحات اولدوقلارینی بیلدیریر. «دونیا آنا دیلی گونو ایله باغلی تدبیر کئچیردیکلری اوچون نظارت آلتینا آلینمیش تئهران‌دا یاشایان تورک فعاللارا قارشی تطبیق ائدیلن باسقیلار ناراحات ائدیجی بیر شکیل‌ده آرتیب،» ائوین حبسخاناسیندا ساخلانیلان میللی فعاللارین آغیر تضییقلره معروض قالدیغینی بیلدیریب. یاییلان معلومات‌دا خصوصیله اکبر آزاد، علیرضا فرشی و بئهنام شئیخی نین صحتینین یاخشی اولمادیغی وورغولانیب. فئورال آیینین ۲۱-ی دونیا آنا دیلی گونون‌ده تئهران‌دا کئچیریله‌ن تدبیرله باغلی نظارت آلتینا آلینمیش میللی فعاللارین بیر نئچه‌سی زامینه بوراخیلسا دا، آزی ۶ فعال او جمله‌دن، اکبر آزاد، علیرضا فرشی، بئهنام شئیخی، حمید منافی نادارلی، محمود اوجاقلی و روستم کاظیمپور هله ده سربست بوراخیلماییب. آذربایجان وئب صحیفه‌لری بئهنام شئیخی نین آجلیق آکسییاسینا باشلادیغی، تانینمیش یازار اکبر آزادین ایسه معده‌سینده پروبلئملر یاشادیغینی بیلدیریب.