آمئریکانین سسی/داوود توران: ميللي فعاللارا قارشي تزييقلر داوام ائدير و روحاني دؤنمينده بونون آزالديغيني گؤرموروک
آزربايجان ميللي ديرهنيش تشکيلاتينين صدري داوود تورانين آمئريکانين سسينه موصاحيبهسي
ديلشاد الييارلي
پرئزيدئنت حسن روحاني حؤکومتينين قربله کونستروکتيو علاقه لرين ياراديلماسي سيلرينه باخماياراق، ايران آزربايجانليلاري اونون سئچکي کامپانيياسي زاماني وئرديگي ودلره عمل ائتمهديگيندن نارازيدير. گونئيلي فعاللار اؤلکهده ائتنيک آزليقلارا قارشي آيري-سئچکيليک سيياستينين داوام ائتديريلديگيني بيلديرير.
آزربايجان ميللي ديرهنيش تشکيلاتينين صدري داوود توران آمئريکانين سسينه موصاحيبهده ايران آذربايجانيندا ميللي فللارين مدني حوقوقلار اوغروندا موباريزهسي، اورمييا گؤلونده ائکولوژي وضعيت و پرئزيدئنت حسن روحاني هؤکومتينين ائتنيک آزليقلارا تزييقلريندن دانيشيب.
داوود توران پرئزيدئنت روحانينين سئچکي کامپانيياسي زاماني وئرديگي ودلره باخماياراق، حاکيميتده اولدوغو بير ايل مودتينده بو ودلره عمل اولونماديغيني بيلديريب. او، ايراندا اينسان حوقوقلارينين، خوصوصيله ده ائتنيک آزليقلارين هاقلارينين پوزولماسي کيمي جيدي پروبلئملرين قالديغيني دئييب.
داوود توران اورمييا گؤلونون قوروماسي پروبلئمينه خوصوصي ديقت چکهرک، حسن روحاني هؤکومتينين ائکولوژي وضعيتله علاقه دار فعاليت گؤسترمهديگيني بيلديريب.
“حسن روحاني آزربايجان بؤلگهسينه گلديگي زاماني ائتنيک قروپلارين اؤز آنا ديلينده تحصيل آلا بيلمهسينه تمين ائدهجگيني و حتّي آذربايجان ديلنيده بير قوروم تشکيل ائديلهجگيني، اساس پروبلئملردن بيري اولان اورمييا گؤلونون قوروماسينين قارشيسيني آلاجاغيني دئميشدي. لاکين بو گونه قدر بير آدديم آتيلديغيني گؤرموروک”-دئيه داوود توران بيلديريب.
او، آذربايجانلي ميللي-مدني و سياسي فعاللارا قارشي باسقيلارين داوام ائتديگيني، بين الخالق آنا ديلي گونو ميللي فعاللارين حبس ائديليب، هله ده تبريز و اهر شهرلرينده ساخلانديغيني، عئيني زاماندا، ايران آذربايجانليلارينين آنا ديلينده کيتاب و قزئت نشر ائتمهسينه مهدوديتلرين قويولدوغونو وورغولاييب.
آزربايجان ميللي ديرهنيش تشکيلاتينين صدري آذربايجان فعاللارينين دوروموندان دانيشاراق، اونلارا اوزونموددتلي حبس جزالارينين وئريلديگيني قئيد ائديب. داوود توران پرئزيدئنت حسن روحانينين حاکيميتي دؤنمينده آذربايجانليلارلا ياناشي، ايراندا ياشايان ديگر ائتنيک قروپلارين عوضولرينين ده تقيبلر، حبسلر و تزييقلرله قارشيلاشديغيني دئييب.
“آزربايجانليلار ياشاديقلاري يئرلرده چوخلوق تشکيل ائديرلر. ايران هؤکومتينين ده قورخوسو وار، اعدام يولو ايله تزييق گؤسترمير، آما اوزونموددتلي حبسلر، عاييله عوضولريني قورخوتماق، گئجه ائولرده آختاريش آپارماق و نزارت آلتينا آلماق يولو ايله تزييقلر داوام ائدير و روحاني دؤورونده هئچ بير شکيلده آزالما يوخدور”-دئيه داوود توران آمئريکانين سسينه بيلديريب.