کریم تاتارلارین‌دان “میللی مختاریت” قراری
ياريم آداداكى تاتار خالقی، کریم تاتار میللی قورولتایینی ییغا‌راق “میللی مختاریت” قراری آلدی
کریم تاتارلارین‌دان “میللی مختاریت” قراری
روس یانلی‌سی کریم رهبرلیگی‌نین اوکراینا‌دان تک طرف‌لی مستقیل‌لیک اعلان ائتمه‌سی و روسیایا باغلانما آنلاشماسی ایمضالاماسی اوزرینه، یاریماداداکی تاتار خالقی، کریم تاتار میللی قورولتایینی ییغا‌راق “میللی مختاریت” قراری آلدی.
“میللی مختاریت قورما لاییحه‌سی “، ۲۱۲ نماینده‌نین سسی ایله قبول ائدیلدی. ایجلاسدا ۱ نفر رد، ۴ آدام بیطرف سس ایستیفاده ائتدی.
کریما بیرباشا هاوا یولو سفرلری‌نین دوردورولماسین‌دان اؤتورو، قورولتایا کریم تاتار دیاسپورو نماینده‌لری قاتیلا بیلمه‌دی.
قورولتای نماینده سی نریمان جلیلوو، ائتدیگی دانیشمادا، روسیا فدراسیونونا دئییل، اوکراینا باغلی میللی مختاریت ایستدیک‌لرینی وورغولایا‌راق روسیا فدراسیونوون اسکی “آغ مسجید” باش کونسولو ولادیمیر آندریئوین کریم تاتارلارینی ” نازی ایشبیرلیکچی‌سی ” اولا‌راق آدلاندیردیغینی خاطیرلاتدی.
جلیلوو، “گله‌جکده گیزلی سرویسلرین باسقیسی آلتیندا اولا‌جاق‌لارینی و پروبلم‌لرین آرتاجاغینی ” قید ائده‌رک، کریم تاتار میللی قورولتایی نماینده لرنین، کریم تاتار لیدری مصطفی عبدالجمیل کیریموغلونو دستکلمه‌سی لازیم اولدوغونو وورغولادی.
کریم تاتار میللی مجلیسی (KTMM ) صدری رفات چوباروو، اجلاسدا کریم تاتارلاری‌نین روسیا وطنداش‌لیغینی قبول ائدیب ائتمه‌یه‌جکلریله علاقه‌دار موضوعنو دا مذاکیره‌یه چیخاردی .
مجلیس عضو‌لرین‌دن حسن ائگیز، “بیز روسیا وطنداش‌لیغینی قبول ائدریک اما اوکراینا وطنداشلیغین‌دان چیخماییز ” دئدی.
چوباروو دا، ائتدیگی دانیشمادا، “کیمسه‌نین اوکراین وطنداشلیغین‌دان چیخماماسی ” چاغیریسیندا اولارکن ” باسقییا بویون ایمه‌یه‌جک‌لرینی ” ده وورغولادی.
بیر نماینده‌نین، آغیارین( سئواستوپول )کریم‌دان آیری می یوخسا بیرلشمیش می توتولاجاغینا باغلی سوال تکلیفی اوزرینه ائدیلن سس وئرمه‌ده، آغیارین کریمین ایچینده اولدوغو موضوعسوندا گؤروش بیرلیگی تامین ائدیلدی.
ت ر ت توركى
