آمئريكانين سسی/کئتايون سرنیثار: ننهلريميز دئيردي کي،بوتون خئيير ايشلري نووروزا ساخلايين
نووروزون گليشي آمئريکا آذربايجانليلاري طرفيندن ده بؤيوک سئوينجله قارشيلانير. موختليف شتاتلار و شهرلرده کئچيريلن تدبيرلرده آذربايجان ايجماعسينين عوضولري قديم عادت و عنعنه لري ياشاتماغا چاليشير. ويرجينييا شتاتيندا ياشايان گونئيلي صنعتشوناس کئتايون سئرنئسار آمئريکانين سسينه موصاحيبهده آبش-دا و ايرانين اؤزونده آذربايجانليلارين نووروز بايراميني نئجه قئيد ائتديگيندن دانيشير.
کئتايون سئرنئسار نووروزون باهارين گليشيندن خبر وئردييني، طبيعتين جانلانماسي ايله اينسانين دا روحن تزلنديگيني دئيير.
“قولاق فالينا گئديرديک، اونا گؤره تؤوسييه ائديرديلر کي، هميشه ياخشي سؤزلر دانيشين، چونکي او سؤزه گؤره يوروم ياپيرلار.”
تبريزده بويا-باشا چاتان کئتايون خانيم نووروزون خوصوصيله اوشاقلار طرفيندن چوخ بؤيوک سئوينجله قارشيلانديغيني، بايراما بير نئچه هفته اولدن حاضيرليقلارين باشلانديغيني سؤيلهيير.
او، نووروز گونلرينده آغبيرچک ننهلرين تؤوسييهلريني خاطيرلايير: “ننهلريميز بيزه دئيرديلر کي، بايرام آخشامي ائوينيزده اوتورون، بو، اوغور گتيرير.”
اصلا تبريزلي اولان کئتايون خانيم بايرام گونلري تبريزين مطبخ عنعنه لريني قئيد ائدير: “تبريزده بايرامين بيرينجي گونو يارپاق دولماسي بوکوروک، او اوجاغين اوستونده گرک قاينايا، هم اييي چيخير، هم ده قادينلار بونون برکت گتيرديگينه اينانير.”
کئتايون خانيم عادتلرين کنددن-کنده دييشديگيني دئيير. اونون سؤزلرينه گؤر، موعاصير دؤورده بؤيوک شهرلرده بوتون عادتلره عمل ائتمک او قدر آسان دئييل.
صنعتشوناس نووروز بايرامينين قئيد ائديلمهسينه قويولان مهدوديتلرين آرادان قالديريلماسيني و اينسانلارين بايرام شنليکلريني ايستهديکلري کيمي کئچيره بيلمهسيني آرزولايير: “نووروز بايراميني ائودن کناردا بير فئستيوال کيمي قئيد ائتمگيميزه ايجازه وئرمهلريني ايستهييريک. ايندي هامي بايرامي اؤز ائوينده قئيد ائدير، آما بيز بايرامي اورگيميز ايستهين کيمي قئيد ائتمک ايستهييريک.ميلته تونقال قالاماغا، آخير چرشنبهني قئيد ائتمهيه ايجازه وئرمهلريني ايستهييريک. ”
ايرانين يئني هؤکومتينين دونيا اؤلکهلري ايله ياخينلاشديغي بير زامان کئتايون سئرنئسار نووروزون گليشي ايله صولح، امين-آمانليق و ايقتيصادي ثابيتليگين برقرار اولاجاغي ايله باغلي اوميدلريني ايفاده ائدير.
http://www.amerikaninsesi.org/content/ketayun-sernesar-novruz-m%C3%BCsahib%C9%99/1877052.html