۲۰۱٤ قاسپیرالی ایلی و قیریمین ایشغالی
روس‌لارین پان اسلاویزم سیاستی و تورک قارشیدلیغییلا موباریزه ائدن قاسپیرا‌لی‌نین ۱٦۳.جو دوغوم گونونده بیرلیک چاغریسی ائدیلدی
اوکراینا عسگرلری روسیانین کنترولونا گئچن قیریم‌دان آیریلماغا باشلادی.
اوکراینا‌لی سوبای‌لارین چوخو قیریم‌دان آیریلدی، یاریم‌آدانی ترک ائتمک ایسته‌ین وطنداش‌لارین ساییسی ۲٥ مینی گئچدی. دونوزلاو دنیز مرکزینه باغلی ٥ حربی گمی‌نین پرسنلی ایسه هله تسلیم اولمادی. آنجاق سیاسی آچیقلامالاردان باشقا دستک تاپا‌بیلممک‌دن شیکایتلنن و بونا گؤره اوردودان آیریلماغا قرار وئرن‌لرین ساییسی دا آز دئییل. آنایاسال دییشیک‌لیک‌لره حاضرلانان قیریمدا روس پاسپورت‌لاری داغیدیلمایا داوام ائدیر.
الحاقی ائلشدیرن مئدیا منسوب‌لاری ایسه کنترل آلتیندا. روسیا‌داکی مطبوعات قانونلاری تملینده دوزنلمه‌لر ائدیله‌جیینی آچیقلایان یئتکی‌لی‌لر، یئنی قیسیدلاما‌لارا ایشاره ائتدی.
گلیشمه‌لری قایغیلا ایزله‌ین قیریم تورک‌لری ایسه افسانه لیدئرلری ایسماعیل قاسپیرا‌لی‌نین آنما تؤره‌نینده بولوشدو. روس‌لارین پان اسلاویزم سیاستی و تورک قارشیدلیغییلا موباریزه ائدن قاسپیرا‌لی‌نین ۱٦۳.جو دوغوم گونونده بیرلیک چاغریسی ائدیلدی. یونسکو دا ۲۰۱٤ ایلینی ایسماعیل قاسپیرالی ایلی اعلان ائتمیشدی. اوکراینا، روسیانین دوغو و گونئیین‌ده‌کی باشقا بؤلگه‌لره ده مداخیله ائتمه‌سین‌دن قایغیلی .
بؤلگه‌ده اولان آوروپا گوونلیک و امکداش‌لیق تشکیلاتی گؤزلمچی‌لری روس آزلیغین اؤزارکلیک حاق‌لارینی گئنیشلندیرمک ایستدیگینه دقت چئکدی.
ت.ر.ت تورکی
