تورک دونیاسی گنجلیگی ایستانبولدا گؤروشدو
تورک دونیاسی گنجلیگی ایستانبولدا گؤروشدو
تورک دونیاسیندان ۵ مینه یاخین طلبه، اسکیشهیر ۲۰۱۳ تورک دونیاسی مدنیت باشکند فعالیتلری چرچیوهسینده ایستانبولدا بیر آرایا گلدی.
خلیج کونقره مرکزینده دوزنلنن گئجهیه کوسووو، مقدونیه، بوسنی و هرزگوئین، یونانیستان، بولغاریستان و آذربایجاندان باخان، میللت وکیلی سویهسینده نمایندهلر و اؤیرنجی گنجلر قاتیلدی.
تورکیه میللی تحصیل ناظیری نابی آوجی، قوناقلاری “قدیم بیر مدنیتین توخوملارینی یئنیدن یاشیللاشدیرماق غورورو ایچریسیندییک. هامینیز ائوینیز ایکینجی مملکتینیزه خوش گلمیسینیز “سؤزلریله قارشیلادی.
‘تورک دونیاسی مدنیت سفرلر، بالکانلاردان اورتا آسیایا اوزانان بؤیوک بیر جوغرافیادا دونیانین ان بؤیوک و ان احاطهلی شاگیردی حرکتلیلیگی پروژهلریندن بیرینی تشکیل ائدیر.
پروژه ایله تورک دونیاسیندان گنجلرین دونیانین بیر چوخ یئرینه یاییلمیش اولان تورک مدنیتینی داها یاخشی تانیمالاری، آنلامالاری، کؤنول باغلارینی گوجلندیرمهنی هدفلیر.
پروژه داخیلینده تورکیهدن ۸ مینه یاخین آدام کیریم آذربایجان، اؤزبکیستان، کوسووو، بوسنی و هرزگوئین، مقدونیه و شیمالی قیبریس تورک جمهوریتی کیمی اؤلکهلره گئتدی.
ایندی ایسه “۱۰ مین قارداش ال اله” پروقرامی ایله تورک دونیاسیندان گلن مینلرله گنج تورکیهده قوناق ائدیلیر.
لاییحهنین ایلک آشامادا تورک دونیاسی گنجلیگی ۱۰ مارسدا اسکیشهیرده گؤروشدو.
ایستانبول خلیج کونقره مرکزیندکی پروقرامدا میللی تحصیل ناظیری پروفسور دوکتور نابی آوجی، تورک دونیاسی مدنیت باشکندلیغی عنوانینی اسکیشهیره قازاندیران باش ناظیر رجب طیب اردوغانا و امکی کئچنلره تشککور ائتدی.
اسکیشهیر اوستانداری و اسکیشهیر ۲۰۱۴ تورک دونیاسی مدنیت باشکند آژانسی ایداره هئیتی باشقانی گونگؤر آزیم تونا، قوناقلاری “فاتیحین کؤنوللری فتح ائتدیگی ایستانبولا هامینیز خوش گلمیسینیز” سؤزلریله سلاملادی.
گونگؤر آزیم تونا و مقدونیه دولت ناظیری هادی نظیر ائتدیکلری چیخیشلاردا بیرلیک-برابرلیک، تانیش اولما و قایناشما مساژلاری وئردی.
گئجهده قاراداغ جمهوریتی باش ناظیر کؤمکچیسی رفعت هوسوویچ، مقدونیه دولت ناظری هادی نظیر، کوسووو اکولوژی و آلان پلانلاما ناظیری ماهیر یاغجیلار ایله بالکان اؤلکهلریندن گلن چوخ سایدا میللت وکیلی، اجتماعی قوروم و سیویل تشکیلاتلاری نمایندهلری، اؤیرنجیلر، معلملر و قوناقلار دا حاضیر اولدو.
چیخیشلاردان سونرا سارای بوسنیالی سولیست آمیرا مئدونژانین، آذربایجان دولت صنعتچیسی آذرین، کیریم مدنیتینین موسیقی ائلچیسی صنعتچی سلما آگات، مشهور اؤزبک موسیقیسینین سئویلن صنعتچیلریندن گولزودا خودوینازارووا و تورک حالق موزیغی رپئرتوارینا سئچمهلر ایله قایناق تامین ائدن اسات کاباکلی و ایستانبول مهتر تیمی گئجهده مینی بیر کونسرت وئردی.
trt turku