قیریم پارلمانین‌دان باغیمسیزلیق بیلدیریسی
قیریم پارلمانین‌دان بو گون موسکووایلا بیرلشمه یولوندا بیر آددیم داها گلدی.
پارلمان، قیریم اؤزارک جمهوریتی‌نین و سیواستوپول شهری‌نین باغیمسیزلیغینا باغلی بیر بیلدیری قبول ائتدی. گیزلی توپلانتیدا قبول ائدیلن بیلدیرییه ۷۸ میلت وکیلی‌نین اوی وئردیگی بیلدیریلدی. قیریم پارلمانیندا ۱۰۰ میللت وکیلی وار.
پارلمانین قبول ائتدیگی بیلدیری‌ده، قیریم یوکسک شوراسی و سیواستوپول شهر شوراسی‌نین خالق‌لارین اؤز طالعینی تعیین ائتمه حاقینی دوزنله‌ین بیرلشمیش میللتلر نظامنامه‌سیندن، باشقا اولوسلارآراسی آنلاشما‌لاردان و اولوسلارآراسی محکمه‌نین کوزووو ایله ایلگیلی قرارین‌دان یولا چیخدیغی بیلدیریلدی.
۳ ماده‌دن اولوشان دکلراسیونون ۱.جی ماده‌سینده ۱٦ مارس رفراندوموندا قیریم خالقی‌نین، قیریم اؤزارک جمهوریتی و سیواستوپولون روسیایا باغلانما قراری وئرمه‌سی وضعیتینده، رفراندومون آردین‌دان قیریمین پارلمان اصول ایداره‌سینه صاحب باغیمسیز و اگمن دؤولت اعلان ائدیله‌جیی قید ائدیلدی. ایکینجی ماده‌ده قیریم جمهوریتی‌نین دموکراتیک، لاییک و چوخ اولوسلو دؤولت اولاجاغی، میللتلر و دین‌لر آراسی باریشی دستکله‌یه‌جیی وورغولاندی. بیاننامه‌نین اوچونجو ماده‌سینده ایسه قیریمین باغیمسیز و اگمن دؤولت اولا‌راق موسکوایا روسیا فدراسیونونون یئنی بیر بؤلگه‌سی اولماق اوچون مراجعت ائدجیی بیلدیریلدی.
ت رت تورکی
