“روسیا قیریمی ایلحاق ائتمک ایسته‌ییر”
اوکراینایا باغلی قیریم اؤزارک جمهوریتینده گرگین‌لیک آرتماقدا‌دیر .بؤلگه‌دکی ۲ هاواآلانینین، پارلمانین و حکومت بیناسی‌نین سلاح‌لی شخص‌لرین کنترولونا گئچمه‌سی‌نین آردین‌دان، اوکراینا‌داکی یئنی یؤنه‌دیم روسیانی، قیریمی ایشغال ائتمکله سوچلادی. قیریم‌ین اوکراینا ایله باغلانتی‌سی‌نین کسیلدیگی ایره‌لی سورولدو، بؤلگه‌ده هاوا ساحه‌سی ده ۲٤ ساعات‌لیغینا باغلانیلدی. قیریم‌دا آغ‌مسجید ایله آق‌یار(سیواستوپول) آراسین‌داکی یولدا حربی روس قافله‌لری گؤزلنیر. روس خاریجی ایشلر باخانلیغی، قافله‌نین سیواستوپولداکی روس حربی مرکزی‌نین گوونلیگینی تامین ائتمه‌یی آماجلادیغینی بیلدیردی، قیریمی ایشغال ائتدیک‌لری یولون‌داکی سوچلامانی رد ائتدی. ۱۰ روس حربی هلیکوپتری ده روسیا‌دان قیریم هاوا ساحه‌سینه گیردی.
اوکراینانین گئچیجی پرزیدنتی آلکساندر تورچینوو، روسیانی سالدیرقانلیقلا سوچلادی، ایشغال سناریو‌لاری حاضیرلادیغینی ایره‌لی سوردو. “روسیا قیریما عسگرلرینی گؤندردی، آبخازیا‌دا ائتدیگی کیمی بیر چاتیشما چیخاریب قیریمی ایلحاق ائتمه‌یی پلانلاشدیریر” دئین تورنیچوو، روسیا دؤولت باشقانی ولادیمیر پوتینی تخریبات‌دان وازگئچمه‌یه چاغیردی.
آمریکا خاریجی ایشلر باخانی جون کری، روسیانی اوکراینانین اگمن‌لیگینی پوزماما‌سی قونوسوندا اویاردی. آلمانیا و اینگیلتره باشباخانلاری، روسیا دؤولت باشقانی ولادیمیر پوتینی آرا‌یاراق اوکراینانین تورپاق بوتؤو‌لوگونه سایقی گؤسترمه‌سینی ایسته‌دی.
اوکراینادا عرقچی‌لارین ساغ سئکتور پارتیسی، قیریما سلاح‌لی آدام‌لارینی گؤندرمه‌یی پلانلاشدیردیق‌لاری یولون‌داکی ادعا‌لاری رد ائتدی. قیریم‌داکی حکومت بینا‌لاری ایله هاواآلان‌لاری‌نین کنترولونو اله گئچیرن سلاح‌لی شخص‌لرین کیم اولدوغو بیلینمیر.
بو آرادا قیریم پارلمانی، باشباخانلیغا آتادیغی روسیا یانلیسی سرگئی آکسئنووون کابینه‌سینی بلیرله‌دی. آکسئنوو، کیئوده‌کی یؤنه‌دیمی تانیمادیق‌لارینی بیلدیردی، پارلمان، بؤلگه‌نین ایستاتوسونو تعیین ائتمک اوزره ۲٥ می‌ده رفراندوما گئدیلمه‌سینی قرارلاشدیردی. قیریم تاتارلاری، روسیایا باغلانماغا قارشی چیخیر.۲٥ می‌ده اوکراینادا دا ارکن جمهورباشقانلیغی سئچیمی ائدیله‌جک.
تی آر تی تورکی