حبيب آذرسينا: “ياشاسين آزربايجان” بيزيم اورک سؤزوموزدور- ويدئو
هر ايل اولدوغو کيمي بو ايل ده ايران آزربايجانينين شهرلرينده بين الخالق آنا ديلي گونو ايله باغلي تدبيرلر حبسلرله موشاييعت اولوب.
حوقوق مودافيعه چيلرينين بيلديرديگينه گؤر، بين الخالق آنا ديلي گونو تدبيرلري ايله باغلي ايران آزربايجانيندا کوتلوي حبسلر زاماني نزارت آلتينا آلينميش اونلارلا فعال هله ده حبسده قالير. ميللي فعاللار آنا ديلي گونو ايله علاقه دار حبسلري پرئزيدئنت حسن روحانينين ايراندا ياشايان ميللي آزليقلارين ديل و مدني حوقوقلارينين تمين ائديله‌جگينه داير سئچکي کامپانيياسي زاماني وئرديگي ودلره عمل ائتمه‌مه‌سي کيمي ديرلنديرير.
ايران آزربايجانيندا آنا ديلينده تحصيل حوقوقلاري اوغروندا موباريزه مسلسيني آمئريکانين سسينه موصاحيبه‌ده آزربايجانليلارين مدني حوقوقلارينين مودافيعه چيسي، آبش-دا ياشايان گونئيلي فعال حبيب آذرسينا ايله موزاکيره ائتميشيک.
“6-جي صينفي بيتيرمک او زامان بؤيوک بير ناليت ساييليردي”
هبيب آذرسينا هر ايل آنا ديلي گونو ايران آذربايجانينين بؤيوک شهرلري و ائلجه ده پايتاخت تئهراندا ديل حوقوقلارينين تمين اولونماسي طلبيله ميللي فعاللارين آکسييالار تشکيل ائتديگيني و بو تدبيرلرين ايشتيراکچيلارينين حبس ائديلديگيني بيلديريب. اونون سؤزلرينه گؤر، حسن روحانينين سئچکي کامپانيياسي زاماني وئرديگي ودلره گؤره حاديثه لرين بو ايل فرقلي اولا بيله‌جگي دوشونولوردو، لاکين حبسلر ميللي فعاللارين گؤزله‌ديکلرينين تام عکسينين باش وئرديگيني گؤسترير. او، آذربايجانليلارين ميللي حوقوقلار اوغروندا موباريزه‌ني دينج يوللا داوام ائتديره‌جگيني دئييب.
“ايران هؤکومتي “ياشاسين آزربايجان” سؤزو ايله موباريزه ائتمير…آرتيق آزربايجان فعاللاري بونو ايران حؤکومتينه قبول ائتديريبلر کي، “ياشاسين آزربايجان” بيزيم اورک سؤزوموزدور ”
حبيب آذرسينا شخصي حياتيندان خاطيره‌لرله بؤلوشه‌رک، آزربايجانلي اوشاقلارين مکتبه گئدن زامان ورديش ائتديکلري عادي شراييطدن تاماميله فرقلي بير موحيطه دوشدويونو قئيد ائديب. او، بيلديريب کي، تام فرقلي و ياد شراييطه دوشن آذربايجانلي اوشاقلارين تحصيللريني داوام ائتديرمه‌سي قارشيسيندا بؤيوک چتينليکلر يارانير. “6-جي سينفي بيتيرمک او زامان بؤيوک بير ناليت ساييليردي”-دئيه او بيلديريب.
لاکين حربي آذرسينا گله‌جگه اوميدله باخديغيني دئييب. اونون سؤزلرينه گؤر، آزربايجانليلار ايدمان ياريشلاريندان توتموش، ايمکان اولان هر يئرده اؤز طلبلريني هؤکومته چاتديرماغا چاليشير. “زامان بونو طلب ائدير…ايش او يئره چاتيب کي، آرتيق ايران هؤکومتي “ياشاسين آذربايجان” سؤزو ايله موباريزه ائتمير…آرتيق آذربايجان فعاللاري بونو ايران هؤکومتينه قبول ائتديريبلر کي، “ياشاسين آذربايجان” بيزيم اورک سؤزوموزدور “-دئيه او بيلديريب.
