سایغیلی داعوا یولداشیمیز و عزیز دوستوموز تایماز بی اورمولونون ایستعفا مکتوبو تشکیلاتیمیزین مرکزی شوراسینا عنوانلانمیشدیر.

تشکیلاتیمیز مرکزی شوراسی عنوانلانمیش اولان ایستعفا مکتوبونو قیمتلندیررک سایین تایماز اورمولونون ایره لی سوردوگو اؤزل سببلردن دولایی ایستعفاسینی قبول ائتمیشدیر. بو وسیله ایله سایین تایماز اورمولونون آ م د ت عضولوگو و اوستلنمیش اولدوغو آ م د ت ایشچی کمیته سی صدرلیگی و بو کمیته نین ارقانی اولان آزربایجان ایشچیلری وئب سایتینین سوروملو مودورلوگوندن رسماً آیریلدیغی ملتیمیزین قامواویونا بیلدیریلیر. بو ساعتدان سونرا آ م د ت ایشچی کمیته سی و آزربایجان ایشچیلری وئب سایتی یئنی سوروملو کادری ایله چالیشمالارینا دوام ائده جکدیر.

سایین تایماز اورمولو تشکیلاتیمیزا عضو اولدوغو ایللر بویونجا سارسیلماز بیر وطن سئور و یورولماز بیر موباریز اولاراق آزربایجان میلی حرکتینه بؤیوک خیدمتلرده بولونموش و تشکیلاتیمیزا جیددی امکلر صرف ائتمیشدیر. امینیک کی سایین تایماز اورمولو آیدین بیر وطن اؤلادی اولاراق هاردا و هانسی شرطلرده اولدوغوندان آسیلی اولمایاراق بؤیوک آزربایجان ایدئآلینا خیدمت ائتمکدن گئری قالمایاجاقدیر. بو وسیله ایله هابلئه سایین تایماز اورمولودان تشکیلاتیمیزا ایللر بویو وئردیگی امکدن و بؤیوک قاتقیدان دولایی تشکور ائدیریک. سایین تایماز اورمولویا گلجکده کی شخصی و سیاسی حیاتیندا باشارلار دیله ییریک.

آزربایجان میلی دیرنیش تشکیلاتی

مرکزی شورا آدینا

بیرینجی دبیر داوود توران

28 02 2014

————————————————-

سایین تایماز اورمولونون ایستعفا مکتوبونون متنی:

آزربایجان میللی دیرنیش تشکیلاتی – مرکزی شورا

دیرلی عضولر

اوزون زامان دان بری بیرلیک ده میللی حرکت و وطن میلت قاورام لارینا خیدمت چرچیوه سینده حرکت ائدیب الیمیزدن گلدیی قدر قوتسال یولوموزا خیدمت اتمه گه جالیشمیشیق ، آرتیق میللی دیرنیش تشکیلاتی دیسیپلین ، نظم و سویه سیله میلتیمیزین ساغلام بیر قورولوشونا چئویرلنیب و یترینجه تجربه لی ، ایش بیلن و دیرنجلی کادرا صاحیب دیر. امینم کی منیم وظیفه لریمی لایقینجه دوسلاریمیز دئور آلیب چوخ داها باشاریلی دوام اتدیره جک لر. بو اوزدن ریجادا بولونورام منیم استعفامی شخصی جهت لردن دولایی قبول ائدیب یولو گنج دنییم لی دوسلاریمیزا آچارسینیز.

تایماز اورمولو

واشنگتن

27 فئورال 2014