بوگون٢٦ فوريه چرشنبه گونو دونياليق آنا ديلى گونو و گونئى آزربايجاندا سون كوتلوى توتوقلامالار موناسبتى ايله باغلى واشنگتوندا ياشايان بير سيرا ميلى فعالار اعتيراض آكسياسى گئچيريلدى.
قارلى بير گونده گئچيريلن آكسيايا واشنگتوندا و اطرافيندا ياشايان بير سيرا ميلى فعالار و همچنين آزربايجان ميلى ديرنيش تشكيلاتى تمثيلجيلرينين قاتليمى ايله دوزنلى بير شكيلده ايران ماراخلارينى مودافع ائدن اوفيسين اونونده گرچكلشدى.

پروتستويا قاتيلانلار ايراندا تورك ديلينين رسمى اولماسينى و توتوقلو ميلى فعالارى آزاد اولونماسينى طلب ائتديلر.آنا ديلينده مدرسه، محبوس لارا آزادليق، ايراندا توركلره قارشى آيرى سئچكى سياستلرينه سون و … ايسلوقانلار آتيلدى.ائيلمه بى بى سى، آمريكانين سسى و توركيه خبر آژانسلاريندان بير نئچه سى ايشتيراك ائميشدير.
ائيلمين سونوندا حبيب بئى آذرسينا طرفيندن بيان نامه اوخونوب و بير نسخه ده ايران ماراخلارينى قورويان اوفيس باشقانينا وئريلدى.قئيد اولونور كى گونئى آزربايجاندا ٢١ فوريه(٢ اسفند٩٢) دونياليق آنا ديلى گونونده ٢٠٠ ياخين ميلى فعال بو گونو قوتلاماق سوچو ايله، ايران امنيتى قوولرى طرفيندن گوز آلتينا آلينيب.

ايراندا ٣٠ ميليونو آشيق گونئى آزربايجان توركلرينين آنا ديلينده ائيتيمى آلماقلارى ارتجاع رژيمى طرفيندن قاداغان اولوب، بو حاقسيز قاداغيا اعتيراض ائدن اينسانلار رژيم طرفيندن گوز آلتينا آلينيب و اوزون حبسلره معروض قاليرلار.

بوگون گونئيلى فعالار خوجالينيدا اونوتماديلار
آنا ديلى ائيلميندن همن سونرا قوزئيلى هموطنلرله برابر ارمنستان ائلچيليگى اونونده خوجالى سويقيريمنى پروتستو ائتديلر.
چوخ سايداائيلمه قاتليلانلار، خوجاليا عدالت، خوجالى قتل وعامى سوى قيريمدى، ارمنستان آزربايجان توپراقلارين ترك ائت و … كيمين شوعارلار سسلنديرديلر.