ایشغالدان قورتاریلان توپراقلاردا آزربایجان’ین اؤنونده‌کی انگل: مایین (مین) سورونو
ائرمنیستان’ین ۳۰ ایللیک ایشغال دؤنه‌مینده قاراباغ و چئوره‌سینه دؤشه‌دیگی مایینلار، ایکینجی قاراباغ ساواشی’نین اوزه‌ریندن ۳ ایلدن فاضلا موددت گئچمه‌سینه باخمایاراق هم جان ایتکیلرینه ندن اولور هم ده آزربایجان’ین بؤلگه‌ده‌کی احیا چالیشمالارینی یاواشلادیر.
ایکینجی قاراباغ ساواشی’نین بیتدیگی ۱۰ نوامبر ۲۰۲۰’دن بوگونه قدر ۱۲۹ مین هئکتار اراضی تاراندی و مایینلاردان تمیزلندی.
ساواشین بیتیمیندن بوگونه قدر ائرمنیستان گوجلرینین ایشغال دؤنه‌مینده دؤشه‌دیگی مایینلارین پاتلاماسی سونوجو ۵۰’سی سیویل ۶۵ آزربایجان وطنداشی یاشامینی ایتیردی، ۲۸۵ نفر یارالاندی.
مایینلارین تئمیزلنمه‌سی اوچون یاخلاشیق ۳۰ ایل گره‌کیر
اراضیلری مایینلاماق، ۱۹۴۹ جئنئوره (ژنو) سؤزلشمه‌لری ده داخیل اولوسلاراراسی اینسانجیل حوقوقون تمل نورم و ایلکه‌لرینی آغیر شکیلده ایخلال آنلامی داشیییر. ائرمنیستان، ایشغال ائتدیگی بؤلگه‌لری الینده توتماق اوچون توم اولوسلاراراسی سؤزلشمه‌لری ایخلال ائدرک بؤلگه‌لره یوز مینلرجه مایین دؤشه‌دی.
آزربایجان جومهورباشقانی ایلهام علییئو، بؤلگه‌ده‌کی مایینلارین تمیزلنمه‌سی اوچون یاخلاشیق ۳۰ ایل و ۲۵ میلیارد دولار گرکدیگینی آچیقلامیشدی.
