سئچیملرین سون گونو: روسیا’دا ۸ بؤلگه‌یه سالدیری
اوکراینا، سئچیملرین سون گونونده روسیا’نین ۸ بؤلگه‌سینه سالدیری دوزه‌نله‌دی.
روسیا، اولکه‌ده دوزه‌نله‌نن دئولت باشقانلیغی سئچیملرینین سون گونونده اوکراینا درونلاری طرفیندن سالدیرییا اوغرادی.
روسیا ساوونما باخانلیغی، بازار گونو سحر ساعاتلاریندا اوکراینا درونلارینین ان آز ۸ بؤلگه‌نی هدف آلدیغینی، بعضیلرینین موسکووا بؤلگه‌سینه قدر چاتدیغینی ایفاده ائتدی.
سالدیریلار سببیله موسکووا’دا خیدمت وئرن اوچ هاوالیمانی قیسا موددتینه قاپانیرکن، درونلاردان بیری اولکه‌نین گونئیینده‌کی بیر پئترول رافینئریسینده (پالایشگاه نفت) یانغین چیخماسینا سبب اولدو.
روسیا’نین یاسادیشی (غیرقانونی) شکیلده ایلحاق ائتدیگی اوکراینا’نین زاپوروژیه بؤلگه‌سینده ایسه یئتکیلیلر، کامیکازه درونلارینین بیر اوی وئرمه مرکزینده یانغین چیخاردیغینی ایفاده ائتدی.
روسیا ساوونما باخانلیغی، اولکه گئنلینده توپلامدا ۳۵ اینسانسیز هاوا آراجینین دوشورولدویونو بیلدیردی.
