اردبیل میللی_مدنی فعاللاری صالح موللاعباسی ایله گؤروشدو
![اردبیل میللی_مدنی فعاللاری صالح موللاعباسی ایله گؤروشدو اردبیل میللی_مدنی فعاللاری صالح موللاعباسی ایله گؤروشدو](https://www.araznews.org/fa/wp-content/uploads/2024/03/photo_2024-03-08_20-05-15.jpg)
بوگؤن جمعه اسفند آیینین ۱۸-ی، بیرسیرا اردبیل میللی_مدنی فعاللاری صالح موللاعباسی ایله صمیمی گؤروش گئچیرهرک فیکیر پایلاشیمی ائتدیلر.
گؤروشده صالح بی محکومیت ایله ایلگیلی حاکیمیتین عناد و باسقیلاریندان دئییب، حبسده اولدوغو مودتده یاشانتیلاری و هابئله حرکت ایچی مسئلهلرینه نقطه نظرلرینی پایلاشاراق، میللی-مدنی حرکتیمیزین اؤز سورونلارینا نه شکیلده یئنی فورماسیونلار و یئنی چوزوم یوللاری آختارمالی اولدوغونو آچیقلادی.
میللی_مدنی فعال صالح موللاعباسی آذر آیینین ۱۳-ده ۹۱ گؤنلوک حبس جزاسی اوچون اهر حبسخاناسینا آپاریلمیشدی.
صالح بَی موللاعباسی، خدیوینین ده حاکیم اولاراق گئچیریلن اهر محکمهسینین ۱۰۱-جی شعبهسینین ۲-جی کیفری ساوجیلیغینین قراری ایله «یالان بیلگی یایینلاماقلا قامواویونو (افکار عمومی) چاشدیرماق» اتهامیندان دولایی ۹۱ گون حبس جزاسینا محکوم اولموشدو.
آزربایجانلی فعال بهمن آیینین ۳۰-دا حبسینی بیتیرهرک اهر حبسخاناسیندان اؤزگور بوراخیلدی.