حکومتدن ذاکیر حسن اوف’ا محاربه تعلیماتی
![حکومتدن ذاکیر حسن اوف’ا محاربه تعلیماتی حکومتدن ذاکیر حسن اوف’ا محاربه تعلیماتی](https://www.araznews.org/fa/wp-content/uploads/2014/01/resizer.php_.jpg)
باش ناظیر آرتور راثی زاده نین مدافعه ناظیرلیینده اوردونون دؤیوش حاضرلیغی ایله باغلی موشاویرهیه رهبرلیک ائتمهسی تصادف دئییل. راثیزاده ایجتیماعیته بیر مئساژ اولاراق مدافعه ناظیرلیینه گلدی و بو مئساژ بیرباشا اؤلکه رهبرلیگی ایله علاقهلیدیر.
آدینین آچیقلانماسینی مقبول سایمایان حربی ائکسپئرتین وئردیگی معلوماتا گؤره، هر ایکی-اوچ ایلده بیر دفعه جبههده بو جور گرگینلیک یارانسا دا، ایلک دفعهدیر کی، باش ناظیرین رهبرلیگی ایله مدافعه ناظرلیگی توپلانتی کئچیریر و دؤیوش حاظیرلیغینین وضعیتینین موذاکیره ائدیلدیگی بارهده جمعیته خبر گؤندریلیر: «اصلینده، آذربایجان حاکمیتی دؤیوش حاضیرلیغینین وضعیتینی کیفایت قدر یاخشی بیلیر و تئکنیکی تجهیزاتدان دا معلوماتلیدیر. بو موذاکیرهنین اساسینی ایسه مومکون محاربه تهلوکهسینده فوق العاده ایش رئژیمینه کئچیدله باغلی حکومتین ایستروکتورلاری ایله قانون وئریجیلیگیه اویغون نظرده توتولان علاقهنین دئتاللی موذاکیرهسی تشکیل ائدیردی».بو گؤروشه ائرمنیستان مئدیاسینین و پولیتولوقلارینین رئاکسییا وئردیگینی نظره چاتدیران ائکسپئرت ائرمنی طرفینین آچیقلامالارینی دقتله ایزله مه یی توصیه ائتدی: «اگر دقت ائتمیسینیزسه، ائرمنی رسمیلرینین ایجتیماعیته آچیقلاماسی محاربه اولاجاغی و جبههده آذربایجان اوردوسونون ماکسیمال دؤیوش حاضرلیغینا گتیریلمهسی ایله باغلی خبرلرین تکذیبینه یؤنلیب. بو آچیقلامالار بیرباشا ائرمنیستانداکی پیسیخولوژیدن خبر وئریر. روح دوشکونلویو و گرگینلیک ائرمنی توپلوموندا او قدر آجیناجاقلی وضعیت یارادیب کی، ائرمنیستان رسمیلری بونو آرادان قالدیرماق اوچون بیر-بیرینین آردینجا آچیقلامالار وئرمهیه مجبوردورلار.